മഞ്ചേശ്വരം: തലപ്പാടിയില്‍ ആറ് കടകള്‍ കുത്തിത്തുറന്ന് പണവും സാധനങ്ങളും കവർന്നു. ദേശീയപാതക്കു സമീപത്തെ അഷ്‌റഫ്, കുല്‍ദീപ്, ശ്രീധര്‍, മുഹമ്മദ്, ശങ്കര്‍ എന്നിവരുടെ കടകളില്‍നിന്ന് ആയിരക്കണക്കിന് രൂപയുടെ സിഗരറ്റുകളും കുറച്ച് പണവുമാണ് കവര്‍ന്നത്.
അഷ്‌റഫിന്റെ ഉടമസ്ഥതയിലുള്ള ഫോട്ടോകോപ്പി കടയില്‍ സൂക്ഷിച്ചിരുന്ന പണം നഷ്ടപ്പെട്ടു. വെള്ളിയാഴ്ച അർധരാത്രി കടകളുടെ പൂട്ട് തകര്‍ത്താണ് മോഷ്ടാക്കള്‍ അകത്ത് കടന്നത്.
കാറിലെത്തിയ സംഘമാണ് കടകളില്‍ കവര്‍ച്ച നടത്തിയതെന്നാണ് നാട്ടുകാരുടെ സംശയം. മഞ്ചേശ്വരത്തും കുഞ്ചത്തൂരിലും സമാന കവര്‍ച്ച നേരത്തെ നടന്നിട്ടുണ്ട്.
അതിര്‍ത്തി പ്രദേശമായ തലപ്പാടിയില്‍ കഞ്ചാവ്-മയക്കുമരുന്ന് സംഘം താവളമുറപ്പിച്ചതായി നേരത്തെ പരാതിയുണ്ടായിരുന്നു.
ഹോട്ടലില്‍ മോഷണം
ഉപ്പള: ടൗണിലെ പൊലീസ് ഹെഡ് പോസ്റ്റിന് സമീപത്തെ ഹോട്ടലില്‍ മോഷണം. സാഗര്‍ ഹോട്ടലിന്റെ ഷട്ടറിന്റെ പൂട്ട് തകര്‍ത്ത് 5000 രൂപ കവര്‍ന്നു. ഹോട്ടല്‍ ഉടമ അബ്ദുല്‍ റഹ്മാന്റെ പരാതിയിൽ മഞ്ചേശ്വരം പൊലീസ് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.