ഷമീര്‍,അമര്‍നാഥ്
കൊണ്ടോട്ടി: കരിപ്പൂര്‍ വിമാനത്താവള പരിസരം കേന്ദ്രീകരിച്ചുള്ള ലഹരി വിൽപനയുമായി ബന്ധപ്പെട്ട് രണ്ടുപേരെ പൊലീസ് അറസ്റ്റ് ചെയ്തു. പാലക്കാട് കാവലശ്ശേരി സ്വദേശി പത്തനാപുരം വീട്ടില്‍ ഷമീര്‍ (28), കോഴിക്കോട് കുതിരവട്ടം ഗോവിന്ദപുരം സ്വദേശി അമ്ജാന്‍ വീട്ടില്‍ അമര്‍നാഥ് (25) എന്നിവരാണ് പിടിയിലായത്. ഇവരിൽനിന്ന് 5.5 ഗ്രാം എം.ഡി.എം.എയും പിടിച്ചെടുത്തു.
കാറില്‍ കറങ്ങിനടന്ന് ലഹരിവിൽപന നടത്തുകയായിരുന്ന സംഘത്തെ ഞായറാഴ്ച അർധരാത്രി കാര്‍ സഹിതം വിമാനത്താവള പരിസരത്തുനിന്ന് പൊലീസ് സംഘം കസ്റ്റഡിയിലെടുക്കുകയായിരുന്നു.വിദേശത്തേക്ക് ലഹരി കടത്താനാണ് സംഘമെത്തിയതെന്നും പ്രതികളെ ചോദ്യം ചെയ്തതില്‍നിന്ന് പ്രദേശത്തെ ലഹരികടത്തു സംഘങ്ങളെക്കുറിച്ച വ്യക്തമായ വിവരം ലഭിച്ചതായും അന്വേഷണ ഉദ്യോഗസ്ഥര് പറഞ്ഞു.
കൊണ്ടോട്ടി എ.എസ്.പി വിജയ് ഭാരത് റെഡ്ഡിയുടെ നേതൃത്വത്തില്‍ പ്രത്യേക അന്വേഷണസംഘവും കരിപ്പൂര്‍ എസ്.ഐ ആല്‍ബി തോമസ് വര്‍ക്കി, എ.എസ്.ഐമാരായ രാജേഷ്, രാജേഷ് കുമാര്‍, പൊലീസ് ഉദ്യോഗസ്ഥരായ ഷിനോജ്, ഷറഫുദ്ദീന്‍ എന്നിവരും ചേര്‍ന്നാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.