ഫൈസൽ, ജാബിർ
കൊണ്ടോട്ടി: കരിപ്പൂര്‍ വിമാനത്താവള പരിസരം കേന്ദ്രീകരിച്ച് രാസ ലഹരി വില്‍പന നടത്തുന്ന സംഘത്തിലെ രണ്ടുപേരെ പൊലീസ് പിടികൂടി. കരിപ്പൂര്‍ പാലപ്പെട്ടി സ്വദേശി പുലാട്ട് വീട്ടില്‍ ജാബിര്‍ (33), കരിപ്പൂര്‍ കരുവാന്‍കല്ല് സ്വദേശി വട്ടപ്പറമ്പ് വീട്ടില്‍ ഫൈസല്‍ ചോനാരി (38) എന്നിവരെയാണ് കൊണ്ടോട്ടി പൊലീസ് അറസ്റ്റ് ചെയ്തത്. ഇവരില്‍നിന്ന് വില്‍പനക്കായി പൊതികളാക്കി സൂക്ഷിച്ചിരുന്ന 17 ഗ്രാം എം.ഡി.എം.എയും പിടിച്ചെടുത്തു.
ഓട്ടോയില്‍ കറങ്ങിനടന്ന് മയക്കുമരുന്ന് വില്‍പന നടത്തുന്നതിനിടെ തുറക്കല്‍ ലിങ്ക് റോഡില്‍നിന്ന് എ.എസ്.പി വിജയ് ഭാരത് റെഡ്ഡിയുടെ നേതൃത്വത്തിലുള്ള സംഘമാണ് ജാബിറിനെ പിടികൂടിയത്. പിന്നീട് ഫൈസലിനെ കാടപ്പടിയില്‍നിന്ന് അറസ്റ്റ് ചെയ്തു. ലഹരി വില്‍പനക്കു പിന്നില്‍ പ്രവര്‍ത്തിക്കുന്ന മറ്റുള്ളവരെക്കുറിച്ച് പൊലീസിന് വിവരം ലഭിച്ചതായാണ് സൂചന.
കൊണ്ടോട്ടി എസ്.ഐ ഫദല്‍ റഹ്മാന്‍, തേഞ്ഞിപ്പലം എസ്.ഐ വിപിന്‍ വി. പിള്ള, പ്രത്യേക അന്വേഷണ സംഘാംഗങ്ങള്‍ എന്നിവര്‍ ചേര്‍ന്നാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.