അഭിലാഷ്, അസീന
തൃശൂർ: ബ്യൂട്ടി പാർലറിൽനിന്ന് കഞ്ചാവും മയക്കുമരുന്നുമായി യുവാവും യുവതിയും അറസ്റ്റിൽ. തൃശൂർ ശങ്കരയ്യ റോഡിലുള്ള ഡ്രീംസ് യൂനിസെക്സ് ബ്യൂട്ടി സലൂൺ എന്ന ബോഡി സ്പായിൽ നിന്നാണ്‌ 150 ഗ്രാം കഞ്ചാവും എം.ഡി.എം.എയും പിടികൂടിയത്‌.
പട്ടാമ്പി സ്വദേശി മാർക്ക്ശേരി അഭിലാഷ്, മൈലിപാടം അന്തിക്കാടൻ വീട്ടിൽ അസീന എന്നിവരെയാണ്‌ തൃശൂർ എക്സൈസ് റേഞ്ച് ഓഫിസിലെ ഇൻസ്പെക്ടർ അബ്ദുൽ അഷ്റഫും സംഘവും ചേർന്ന് അറസ്റ്റ് ചെയ്തത്‌. അസീനയും അഭിലാഷും ചേർന്ന് ബ്യൂട്ടി സ്പാ എന്ന സ്ഥാപനം നടത്തുകയും അവിടെ വരുന്നവർക്ക് മയക്കുമരുന്ന്‌ വിൽക്കുകയുമായിരുന്നു. ഇവിടെ വിദ്യാർഥികളും ചെറുപ്പക്കാരും ധാരാളം വന്നിരുന്നു.
പാർക്കിങ്ങിനെ ചൊല്ലിയുള്ള തർക്കത്തെ തുടർന്ന് സംശയം തോന്നിയ ചിലർ എക്സൈസിനെ വിവരമറിയിച്ചു. തുടർന്ന് നടത്തിയ പരിശോധനയിലാണ് മയക്കുമരുന്ന്‌ കണ്ടെത്തിയത്‌. പട്ടാമ്പി സ്വദേശിയായ അഭിലാഷിനെ അസീന ഗൾഫിൽ വെച്ച് പരിചയപ്പെടുകയും അവിടെനിന്ന് തുടങ്ങിയ സൗഹൃദം കൂട്ടുകച്ചവടത്തിൽ എത്തുകയുമായിരുന്നെന്നും എക്സൈസ് അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.