വടകര: ഏഴു വയസ്സുകാരിയെ ക്രൂരമായി പീഡിപ്പിച്ച കേസിൽ ദമ്പതികൾക്ക് രണ്ടു വർഷം തടവ് ശിക്ഷ. ഓർക്കാട്ടേരി ചെമ്പ്രയിൽ വാടക കെട്ടിടത്തിൽ താമസിച്ചുവരുകയായിരുന്ന കർണാടക ബേളൂർ അസൻ അസർട്ടിൽ വെങ്കടേശൻ (45), ഭാര്യ മഞ്ജു (35)എന്നിവരെയാണ് വടകര ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി ജഡ്ജി ജെ. ശ്രീജ ശിക്ഷിച്ചത്.
ആക്രി കച്ചവടക്കാരായ ഇവരോടൊപ്പം ഏഴു വയസ്സുകാരിയായ കുട്ടിയും താമസിച്ചിരുന്നു. 2012 ജനുവരി ഒന്നിനും 2014 ആഗസ്റ്റ് അഞ്ചിനും ഇടയിൽ പല ഘട്ടങ്ങളിലായി കുട്ടിയെ പ്രതികൾ കൈ കൊണ്ടും പട്ടികകൊണ്ടും അടിച്ചു പരിക്കേൽപിക്കുകയും മുഖത്തും വയറിനും കാലിലും മറ്റും ഇരുമ്പ് കമ്പികൊണ്ടും ചട്ടുകംകൊണ്ടും പൊള്ളലേൽപ്പിക്കുകയും ചെയ്ത സംഭവത്തിൽ എടച്ചേരി പൊലീസ് രജിസ്റ്റർ ചെയ്ത കേസിലാണ് ശിക്ഷ. 13 സാക്ഷികളെയാണ് കേസിൽ വിസ്തരിച്ചത്. പലരും കൂറ് മാറിയെങ്കിലും കുട്ടിയുടെ മൊഴി നിർണായകമായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.