മണ്ണാര്‍ക്കാട്: യുവാവിനെ ഒരു സംഘം വീട്ടില്‍ അതിക്രമിച്ച് കയറി വെട്ടപ്പരിക്കേല്‍പ്പിച്ചു. കണ്ടമംഗലം കോല്‍ക്കാട്ടില്‍ വീട്ടില്‍ നൗഷാദിനാണ് (38) വെട്ടേറ്റത്. കഴിഞ്ഞ ദിവസം രാത്രി ഒമ്പതരയോടെയായിരുന്നു സംഭവം. കണ്ടമംഗലം സ്വദേശികളായ ഹംസ, ഷിഹാബ്, ഷഫീക്ക് എന്നിവരാണ് ആക്രമിച്ചതെന്ന് നൗഷാദ് പറഞ്ഞു.
നൗഷാദിന്റെ തലക്കാണ് വെട്ടേറ്റത്. എട്ട് തുന്നിക്കെട്ടുകളുണ്ട്. മുന്‍ വൈരാഗ്യമാണ് ആക്രമണത്തിന് പിന്നിലെന്ന് പൊലീസ് പറയുന്നു. സുഹൃത്തുക്കളായ ഇവര്‍ തമ്മില്‍ മുമ്പും പ്രശ്‌നങ്ങള്‍ ഉണ്ടായിട്ടുണ്ടത്രേ. പെരിന്തല്‍മണ്ണയില്‍ നടന്ന പ്രശ്നം അടുത്തിടെ ഒത്ത് തീര്‍പ്പിലായിരുന്നു. ഇതിനിടെയാണ് ശനിയാഴ്ച രാത്രിയില്‍ നൗഷാദ് ആക്രമിക്കപ്പെട്ടത്. പൊലീസ് അന്വേഷണം തുടങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.