സാബിർ
കാഞ്ഞങ്ങാട്: പൊലീസ് നടത്തിയ വ്യാപക പരിശോധനയൽ മയക്കുമരുന്നുമായി രണ്ടുപേരെ പിടികൂടി. എം.ഡി.എം.എ, കഞ്ചാവ് ഉപയോഗിക്കുന്നതിനിടയിൽ നിരവധി പേർ പിടിയിലായി.
ബേക്കൽ പൊലീസ് എം.ഡി.എം.എയുമായി ഒരാളെ അറസ്റ്റ് ചെയ്തു. ഒരാൾ ഓടി രക്ഷപ്പെട്ടു. പള്ളിക്കരെ തെക്കിൽ സ്വദേശി എം. സാബിറിനെയാണ് (35) പൊലീസ് ഇൻസ്പെക്ടർ യു.പി. വിപിന്റെ നേതൃത്വത്തിൽ അറസ്റ്റ് ചെയ്തത്. ബിലാൽ നഗറിലെ നിസാറാണ് രക്ഷപ്പെട്ടത്. ഇയാൾക്കെതിരെ കേസെടുത്തു. കോട്ടക്കുന്ന് അസറഗോള ജി.എൽ.പി സ്കൂൾ ഗേറ്റിന് സമീപത്തുനിന്നാണ് കഴിഞ്ഞ ദിവസം രാത്രി പിടികൂടിയത്. സ്കൂട്ടർ കസ്റ്റഡിയിലെടുത്തു.
നിസാറിൽനിന്ന് വാങ്ങുന്നതിനിടെയാണ് സാബിർ പിടിയിലായത്.
സാബിർ സ്കൂട്ടറിൽ രക്ഷപ്പെടുകയായിരുന്നു.
എം.ഡി.എം.എ ക്ലാസ് ട്യൂബ് ഉപയോഗിച്ച് കത്തിച്ച് വലിക്കുകയായിരുന്ന രണ്ടുപേരെയും കഞ്ചാവ് ബീഡി വലിച്ചവരെയും ബേക്കൽ പൊലീസ് അറസ്റ്റ് ചെയ്തു. ഹോസ്ദുർഗ് പൊലീസ് മൂന്നുപേരെ മയക്കുമരുന്ന് - കഞ്ചാവ് ഉപയോഗത്തിനിടെ പിടികൂടി.
റെയിൽവേസ്റ്റേഷൻ, മത്സ്യമാർക്കറ്റ് പരിസരത്തുനിന്നാണ് രാത്രി ഇവരെ പിടികൂടിയത്. മാണിയാട്ടുനിന്ന് എം.ടി.പി. റാഷിദിനെ (32) മയക്കുമരുന്നുമായി പിടികൂടി. 32 മില്ലിഗ്രാം എം.ഡി.എം.എയുമായി ചന്തേര പൊലീസാണ് പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.