പെരിന്തല്‍മണ്ണ: ജില്ല ആശുപത്രിയില്‍ കുഞ്ഞിന്‍റെ മാല കവര്‍ന്ന സംഭവത്തില്‍ യുവതി അറസ്റ്റില്‍. മേലാറ്റൂര്‍ കിഴക്കുംപാടം സ്വദേശിനി ത്രാവോട്ടില്‍ നീതുവാണ് (24) അറസ്റ്റിലായത്. പൊന്യാകുർശ്ശി സ്വദേശിനി കുട്ടികളെ കോണിപ്പടിയിൽ ഇരുത്തി മരുന്നു വാങ്ങുന്നതിനിടെ യുവതി മിഠായി നൽകിയാണ് ഒന്നേകാൽ പവന്‍റെ മാല കവർന്നത്. മാല പെരിന്തല്‍മണ്ണയിലെ ഒരു ജ്വല്ലറിയില്‍ വിറ്റതായും യുവതി പറഞ്ഞു.
ഓൺലൈനിൽ റമ്മി കളിച്ചും പലരിൽനിന്ന് കടംവാങ്ങിയുമുള്ള സാമ്പത്തിക ബാധ്യതകളുള്ളതായി യുവതി പൊലീസിനോട് പറഞ്ഞു. ആശുപത്രി പരിസരത്തെ സി.സി.ടി.വി ദൃശ്യങ്ങൾ പരിശോധിച്ചാണ് പ്രതിയെ കണ്ടെത്തിയത്.
ഇൻസ്പെക്ടർ സി. അലവിയുടെ മേൽനോട്ടത്തിൽ എസ്.ഐ യാസിൽ ആലിക്കലിന്‍റെ നേതൃത്വത്തിെല പൊലീസ് സംഘമാണ് യുവതിയെ അറസ്റ്റ് ചെയ്തത്. വനിത എസ്.സി.പി.ഒ ജയമണി, സി.പി.ഒ സുനിജ, ജില്ല ലഹരിവിരുദ്ധ സ്ക്വാഡ് അംഗങ്ങൾ എന്നിവരുമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.