പിടിയിലായ പ്രതികൾ
കായംകുളം: വർക്ഷോപ്പിൽനിന്ന് വാഹനങ്ങളുടെ ഗിയർ ബോക്സും പാർട്ടുകളും മോഷ്ടിച്ച കേസിലെ പ്രതികൾ പിടിയിൽ. തിരുവനന്തപുരം ചിറയിൻകീഴ് ആലംകോട് കുന്നിൽ വീട്ടിൽ അഖിൽ (31), ആറ്റിങ്ങൽ അക്കരവിള വീട്ടിൽ വിഷ്ണു (29) എന്നിവരാണ് അറസ്റ്റിലായത്.
എം.എസ്.എം കോളജിന് വടക്ക് ഇഞ്ചക്കൽ ജങ്ഷനിലെ ഷിജു ഓട്ടോമൊബൈൽ വർക്ഷോപ്പിൽനിന്ന് 1.5 ലക്ഷം രൂപയോളം വിലയുള്ള സാധനങ്ങളാണ് മോഷ്ടിച്ചത്. കഴിഞ്ഞ മൂന്നിന് രാത്രിയായിരുന്നു സംഭവം. രജിസ്റ്റർ നമ്പർ തുണികൊണ്ട് മറച്ച സ്വിഫ്റ്റ് കാറിലെത്തിയായിരുന്നു മോഷണം.
സി.സി ടി.വി ദൃശ്യങ്ങൾ അടക്കം പരിശോധിച്ചാണ് പ്രതികളെ കണ്ടെത്തിയത്. ജില്ല പോലീസ് മേധാവി ജി. ജയദേവിന്‍റെ മേൽനോട്ടത്തിൽ ഡിവൈ.എസ്.പി അലക്സ് ബേബി, സി.ഐ മുഹമ്മദ് ഷാഫി, എസ്.ഐ ഗിരീഷ്, പൊലീസ് ഉദ്യോഗസ്ഥരായ ഷാജഹാൻ, ദീപക്, വിഷ്ണു എസ്. നായർ, അനീഷ്, ഗിരീഷ്, മണിക്കുട്ടൻ, ഇയാസ്, നിഷാദ് എന്നിവരടങ്ങിയ സംഘമാണ് കേസന്വേഷിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.