ചങ്ങനാശ്ശേരി: സമൂഹമാധ്യമം വഴി പരിചയപ്പെട്ട പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ചകേസിൽ യുവാവ് അറസ്റ്റിൽ. മാലം ചെറുകര വീട്ടില്‍ അനന്ദുവിനെയാണ്(23) ചിങ്ങവനം സ്റ്റേഷന്‍ ഹൗസ് ഓഫിസര്‍ ടി.ആര്‍. ജിജുവിെൻറ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്. പെണ്‍കുട്ടിയുടെ വീട്ടിലെത്തിയാണ് പ്രതി പീഡിപ്പിച്ചിരുന്നതെന്നും നഗ്നചിത്രങ്ങളും വിഡിയോയും പകര്‍ത്തിയിരുന്നതായും പൊലീസ് പറഞ്ഞു. ഒന്നരവര്ഷത്തോളമായി പീഡിപ്പിച്ചുവരുകയായിരുവെന്നും പൊലീസ് പറഞ്ഞു. സംഭവം അറിഞ്ഞ വീട്ടുകാര്‍ പെണ്‍കുട്ടിയെ വിലക്കുകയും അനന്ദുവിനെ താക്കീത് ചെയ്യുകയും ചെയ്തു. ഇതോടെ അനന്ദു പെൺകുട്ടിയുടെ നഗ്ന ഫോട്ടോകളും വിഡിയോയും കുട്ടിയുടെ പിതാവിന് അയച്ചുകൊടുത്തു. ഇതോടെ പിതാവ് ചിങ്ങവനം പൊലീസില്‍ പരാതിനൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.