ജീവൻ
നിലമ്പൂർ: വാഹന പരിശോധനക്കിടെ വഴിക്കടവ് അതിർത്തി ആനമറി എക്സൈസ് ചെക്ക്പോസ്റ്റിൽ 3.535 ഗ്രാം ഹഷീഷ് ഓയിലുമായി യുവാവ് പിടിയിലായി. വള്ളിക്കുന്ന് അത്താണിക്കൽ മഠത്തിൽ വീട്ടിൽ ജീവനാണ് (20) പിടിയിലായത്.
ബംഗളൂരുവിൽനിന്ന് ബൈക്കിലെത്തിയ യുവാവിനെ പരിശോധന നടത്തിയപ്പോഴാണ് ചെറിയ പ്ലാസ്റ്റിക് ബോട്ടിലിൽ പഴ്സിൽ സൂക്ഷിച്ച ലഹരിപദാർഥം കണ്ടെത്തിയത്. ക്രിസ്മസ്-പുതുവത്സരാഘോഷ ഭാഗമായി സ്പെഷൽ ഡ്രൈവിങ് ഭാഗമായി എക്സൈസ് കർശന പരിശോധനയാണ് നടത്തുന്നത്.
ബംഗളൂരുവിൽനിന്നാണ് ഹഷീഷ് ഓയിൽ വാങ്ങിയതെന്നാണ് യുവാവി‍െൻറ മൊഴി. തൊണ്ടിമുതലും പ്രതിയെയും നിലമ്പൂർ റേഞ്ച് എക്സൈസിന് കൈമാറി. എക്സൈസ് ഇൻസ്പെക് ടർ ടി.വി. ജയപ്രകാശ്, പ്രിവന്‍റിവ് ഓഫിസർ ലതീഷ്, സിവിൽ എക്സൈസ് ഓഫിസർമാരായ വിനിഷ് കുമാർ, അനൂപ് എന്നിവരാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.