അജിത്, ബിപിൻ മോഹൻ
കാക്കനാട്: തൃക്കാക്കരയിൽ രാസലഹരിയുമായി രണ്ട് യുവാക്കൾ എക്സൈസ് അറസ്റ്റിൽ. കങ്ങരപ്പടി മില്ലുംപടിക്ക് സമീപം നാണിമൂല വീട്ടിൽ ബിപിൻ മോഹൻ (32), കോട്ടയം കല്ലറ മുണ്ടാർ പുത്തൻപുരക്കൽ വീട്ടിൽ അജിത് (23) എന്നിവരാണ് പിടിയിലായത്. ടെലിഗ്രാം ഗ്രൂപ്പുകൾ വഴി മയക്കുമരുന്ന് വിപണനം നടത്തിയിരുന്ന സംഘത്തിലെ പ്രധാനികളാണിവർ. ഇവരിൽനിന്ന് ഏഴ് ഗ്രാം രാസലഹരി പിടികൂടി.
കാക്കനാട് ഇടത്താവളമാക്കി വൻതോതിൽ മയക്കുമരുന്ന് വിൽപന നടത്തി വന്നിരുന്ന സംഘത്തെക്കുറിച്ച് നേരത്തേ തന്നെ സിറ്റി മെട്രോ ഷാഡോ ടീമിന് വിവരം ലഭിച്ചിരുന്നു. വ്യത്യസ്ത ആളുകളുടെ പേരിൽ ഓൺലൈൻ മുഖേന ഹോട്ടലുകളിൽ മുറിയെടുത്തായിരുന്നു കച്ചവടം. തൃക്കാക്കര കങ്ങരപ്പടിയിലുള്ള ഒരു ഹോട്ടലിൽ താമസിച്ച് മയക്കുമരുന്ന് ഇടപാട് നടത്തുന്നതായി ലഭിച്ച വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണിവർ പിടിയിലായത്.
പരിശോധനയിൽ എറണാകുളം റേഞ്ച് ഇൻസ്പെക്ടർ എം.എസ്. ഹനീഫ, പ്രിവന്റിവ് ഓഫിസർ എസ്. സുരേഷ് കുമാർ, സിറ്റി മെട്രോ ഷാഡോയിലെ പ്രിവന്റിവ് ഓഫിസർ എൻ.ജി. അജിത്കുമാർ, സിവിൽ എക്സൈസ് ഓഫിസർമാരായ എൻ.ഡി. ടോമി, പി. ദിനോബ്, വനിത സിവിൽ എക്സൈസ് ഓഫിസർ പി. അനിമോൾ എന്നിവർ സംബന്ധിച്ചു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.