പ്രണവ് പവിത്രൻ
തളിപ്പറമ്പ്: മാരക ലഹരിമരുന്നായ എല്‍.എസ്.ഡി സ്റ്റാമ്പുകള്‍ സഹിതം യുവാവ് അറസ്റ്റില്‍. തൃച്ചംബരം മീത്തലെവീട്ടില്‍ പ്രണവ് പവിത്ര(31)നെയാണ് തളിപ്പറമ്പ് പ്രിന്‍സിപ്പല്‍ എസ്.ഐ ദിനേശന്‍ കൊതേരിയുടെ നേതൃത്വത്തില്‍ പിടികൂടിയത്. ഓൺലൈൻ ബിസിനസ് സൊല്യൂഷൻ സ്ഥാപനം നടത്തുന്ന പ്രണവിനെ ബുധനാഴ്ച രാത്രി 11.40ന് തളിപ്പറമ്പ് ഹൈവേയിലെ ടി.പി മെഡിക്കൽസിനു സമീപത്തു വെച്ചാണ് സംശയകരമായ സാഹചര്യത്തിൽ പൊലീസ് പിടികൂടിയത്.
ഇയാളിൽ നിന്ന് 0.074 ഗ്രാം എല്‍.എസ്.ഡി സ്റ്റാമ്പുകള്‍ കണ്ടെത്തിയതോടെ അറസ്റ്റ് ചെയ്യുകയായിരുന്നു. ഇയാൾ വർഷങ്ങളായി മയക്കുമരുന്ന് ഉപയോഗിക്കുന്നുണ്ടെന്ന് പൊലീസ് പറഞ്ഞു. പ്രതിയെ കോടതിയിൽ ഹാജരാക്കി. ലഹരി വിരുദ്ധ സ്‌ക്വാഡിലെ അംഗങ്ങളായ എ.എസ്.ഐ ജിജിമോൻ, സീനിയർ സി.പി.ഒമാരായ ഷിജുമോൻ, വിജേഷ്, സജിത്ത്, ഗിരീഷ് എന്നിവരും പരിശോധന സംഘത്തിൽ ഉണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.