കാ​റോ​ടി​ച്ച് ഓ​ട്ടോ ഇ​ടി​ച്ചു​തെ​റി​പ്പി​ച്ച യു​വാ​ക്ക​ളെ ക​ഞ്ചാ​വ് സ​ഹി​തം പി​ടി​കൂ​ടി

വ​ണ്ടൂ​ർ: മ​ദ്യ​പി​ച്ച് അ​മി​ത വേ​ഗ​ത്തി​ൽ കാ​റോ​ടി​ച്ച് ഓ​ട്ടോ​ ഇ​ടി​ച്ച് തെ​റി​പ്പി​ച്ച് ക​ട​ന്നു​ക​ള​ഞ്ഞ യു​വാ​ക്ക​ളെ നാ​ട്ടു​കാ​ർ പി​ടി​കൂ​ടി പ​രി​ശോ​ധി​ച്ച​പ്പോ​ൾ കൈ​വ​ശം ക​ഞ്ചാ​വ്. വ​ണ്ടൂ​രി​ലാ​ണ് സം​ഭ​വം. ര​ണ്ട​ര​യോ​ടെ അ​മി​ത വേ​ഗ​ത്തി​ൽ കാ​റി​ൽ വ​ണ്ടൂ​ർ ഭാ​ഗ​ത്തു​നി​ന്ന് വ​രു​ക​യാ​യി​രു​ന്ന യു​വാ​ക്ക​ൾ അ​മ്പ​ല​പ്പ​ടി പു​ല്ലൂ​ർ വ​ള​വി​ൽ​വെ​ച്ചാ​ണ് എ​തി​രെ വ​ന്ന ഓ​ട്ടോ​റി​ക്ഷ​യെ ഇ​ടി​ച്ച് മ​റി​ച്ചി​ട്ട​ത്.

നാ​ട്ടു​കാ​ർ ഓ​ടി​ക്കൂ​ടി​യ​പ്പോ​ൾ കാ​റി​ലു​ണ്ടാ​യി​രു​ന്ന നാ​ലു​പേ​രി​ൽ ര​ണ്ടു​പേ​ർ പു​റ​ത്തി​റ​ങ്ങി. മ​റ്റു ര​ണ്ടു​പേ​ർ കാ​റി​ൽ നി​ന്നി​റ​ങ്ങാ​തെ അ​രി​കി​ലേ​ക്ക് മാ​റ്റി നി​ർ​ത്താ​ൻ ശ്ര​മി​ക്കു​ന്ന​തി​നി​ടെ​യാ​ണ് കൈ​വ​ശ​മു​ണ്ടാ​യി​രു​ന്ന ക​ഞ്ചാ​വ് നാ​ട്ടു​കാ​ർ ക​ണ്ട​ത്. ഇ​തോ​ടെ കാ​ർ മു​ന്നോ​ട്ടെ​ടു​ക്കു​ക​യാ​യി​രു​ന്നു. തു​ട​ർ​ന്ന് നാ​ട്ടു​കാ​ർ പി​ന്തു​ട​ർ​ന്ന് ന​ടു​വ​ത്ത് പെ​ട്രോ​ൾ പ​മ്പി​നു സ​മീ​പ​ത്തു​നി​ന്ന് പി​ടി​കൂ​ടി.

പൊ​ലീ​സ് എ​ത്തി​യ​പ്പോ​ഴേ​ക്കും സം​ഘ​ത്തി​ലൊ​രാ​ൾ ര​ക്ഷ​പ്പെ​ട്ടി​രു​ന്നു. വ​ണ്ടൂ​ർ വെ​ള്ളാ​മ്പ്രം കാ​വു​ങ്ങ​ൽ ഷെ​ബീ​ർ (36), നി​ല​മ്പൂ​ർ ച​ന്ത​ക്കു​ന്ന് മ​ങ്ങാ​ട്ടു വ​ള​പ്പി​ൽ സൈ​ഫു​ദ്ദീ​ൻ (40), അ​ക​മ്പാ​ടം തെ​ക്കേ​പ്പു​റം റ​മീ​ഷ് (30) എ​ന്നി​വ​ർ​ക്കെ​തി​രെ മ​ദ്യ​പി​ച്ച് അ​മി​ത​വേ​ഗ​ത​യി​ൽ വാ​ഹ​ന​മോ​ടി​ച്ച​തി​നും ക​ഞ്ചാ​വ് കൈ​വ​ശം വെ​ച്ച​തി​നും കേ​സെ​ടു​ത്തു. മൂ​ന്ന് പൊ​തി​ക​ളി​ലാ​യി 450 ഗ്രാം ​ക​ഞ്ചാ​വും പി​ടി​കൂ​ടി. പ്ര​തി​ക​ളെ പെ​രി​ന്ത​ൽ​മ​ണ്ണ കോ​ട​തി​യി​ൽ ഹാ​ജ​രാ​ക്കി.