ഖ​ത്ത​റി​ൽ​നി​​ന്ന് കു​ട്ട​നാ​ട്ടി​ലൊ​രു ‘ക​ള​റി​ങ് ദ ​ക​ൾ​ച്ച​ർ’

‘ക​ള​റി​ങ് ദ ​ക​ൾ​ച്ച​ർ’​എ​ന്ന പേ​രി​ൽ ക​ഴി​ഞ്ഞ ദി​വ​സ​ങ്ങ​ളി​ൽ ആ​ല​പ്പു​ഴ ല​ളി​ത​ക​ലാ അ​ക്കാ​ദ​മി ഗാ​ല​റി​യു​ടെ ചു​വ​രു​ക​ളെ വാ​ചാ​ല​മാ​ക്കു​ക​യാ​യി​രു​ന്നു സാം​സ്കാ​ര​ത്തി​ന് വ​ർ​ണ​ങ്ങ​ൾ പ​ക​ർ​ന്ന ഖ​ത്ത​റി​ൽ​നി​ന്നു​ള്ള ആ ​കാ​ഴ്ച​ക​ൾ. സ​ന്ദ​ർ​ശ​ക​രാ​യെ​ത്തി​യ നൂ​റു​ക​ണ​ക്കി​നു പേ​ർ​ക്കു മു​ന്നി​ൽ ദോ​ഹ​യു​ടെ ലാ​ൻ​ഡ്മാ​ർ​ക്കു​ക​ളാ​യി ത​ല​യു​യ​ർ​ത്തി നി​ൽ​ക്കു​ന്ന ഫ​നാ​ർ പ​ള്ളി​യും, സൂ​ഖ് വാ​ഖി​ഫി​ലെ പൈ​തൃ​കം പേ​റു​ന്ന കെ​ട്ടി​ട​ങ്ങ​ളും, മ​രു​ഭൂ​മി​യി​ലൂ​ടെ അ​ല​യു​ന്ന അ​റ​ബി​യും ഒ​ട്ട​ക​വും, സു​ബാ​റ കോ​ട്ട​ക്ക് മു​ന്നി​ൽ വെ​ള്ള​ക്കു​തി​ര​പ്പു​റ​ത്തേ​റി പാ​യു​ന്ന ഖ​ത്ത​രി യു​വാ​വും, ഇ​സ്‍ലാ​മി​ക് മ്യു​സി​യ​വു​മെ​ല്ലാം നി​റ​ഞ്ഞു​നി​ന്നു.

ഖ​ത്ത​റി​ൽ നി​ന്നു​ള്ള ര​ണ്ട് പ്ര​വാ​സി വ​നി​ത​ക​ളു​ടെ ചി​ത്ര​പ്ര​ദ​ർ​ശ​ന​ത്തി​നാ​യി​രു​ന്നു ഈ ​വേ​ന​ല​വ​ധി​ക്കാ​ല​ത്ത് നാ​ട് സാ​ക്ഷ്യം​വ​ഹി​ച്ച​ത്. ഖ​ത്ത​റി​ൽ ചാ​ർ​ട്ടേ​ഡ് അ​ക്കൗ​ണ്ട​ന്റാ​യി ജോ​ലി​ചെ​യ്യു​ന്ന നി​ത ജോ​ളി​യു​ടെ​യും, ഖ​ത്ത​റി​ൽ ത​ന്നെ നേ​ര​ത്തേ പ്ര​വാ​സി​യാ​യ ദീ​പ്തി​യു​ടെ​യും ചി​ത്ര​ങ്ങ​ൾ. അ​റ​ബ് നാ​ടി​ന്റെ​യും കേ​ര​ള​ത്തി​ന്റെ​യും സം​സ്കാ​ര​വും പ്രാ​ദേ​ശി​ക ത​നി​മ​യും പൈ​തൃ​ക​വു​മെ​ല്ലാ വ​ര​ച്ചി​ട്ട ചി​ത്ര​ങ്ങ​ൾ കാ​ഴ്ച​ക്കാ​രു​ടെ ഹൃ​ദ​യ​വും ക​വ​ർ​ന്നു.

ഖ​ത്ത​റി​ൽ​നി​ന്നു​ള്ള സൗ​ഹൃ​ദ​വു​മാ​യാ​ണ് അ​വ​ധി​ക്ക് നാ​ട്ടി​ലെ​ത്തി​യ​പ്പോ​ൾ ഇ​രു​വ​രും കാ​ല​ങ്ങ​ളാ​യു​ള്ള മോ​ഹം സാ​ക്ഷാ​ത്ക​രി​ച്ച​ത്. നീ​തു ആ​ല​പ്പു​ഴ സ്വ​ദേ​ശി​യും, ദീ​പ്തി തി​രു​വ​ന​ന്ത​പു​രം സ്വ​ദേ​ശി​യു​മാ​ണ്. ദോ​ഹ​യി​ലാ​യി​രി​ക്കെ, ഒ​രേ​ക്ലാ​സി​ൽ പ​ഠി​ക്കു​ന്ന മ​ക്ക​ളു​ടെ ര​ക്ഷി​താ​ക്ക​ൾ എ​ന്ന നി​ല​യി​ലാ​യി​രു​ന്നു പ​രി​ച​യം. പി​ന്നെ, ക​ല​യി​ലെ താ​ൽ​പ​ര്യം ഇ​രു​വ​രെ​യും ഒ​ന്നി​പ്പി​ച്ചു. ഇ​തി​നി​ട​യി​ൽ ദീ​പ്തി ഖ​ത്ത​ർ വി​ട്ട് നാ​ട്ടി​ലേ​ക്കും മ​ട​ങ്ങി. ആ​ക്രി​ലി​ക് പെ​യി​ന്റി​ൽ എ​ണ്ണ​മ​റ്റ ചി​ത്ര​ങ്ങ​ൾ വ​ര​ച്ചു​കൂ​ട്ടു​മ്പോ​ൾ ര​ണ്ടു​പേ​രു​ടെ​യും സ്വ​പ്ന​മാ​യി​രു​ന്നു നാ​ട്ടി​ലൊ​രു പ്ര​ദ​ർ​ശ​ന​മെ​ന്ന​ത്. വ​ർ​ഷ​ങ്ങ​ളു​ടെ കാ​ത്തി​രി​പ്പി​നൊ​ടു​വി​ൽ ഈ ​വേ​ന​ല​വ​ധി​ക്ക് നാ​ട്ടി​ലെ​ത്തി​യ​പ്പോ​ഴാ​ണ് സ്വ​ന്ത​ക്കാ​ർ​ക്കും സു​ഹൃ​ത്തു​ക്ക​ൾ​ക്കു​മി​ടി​യി​ൽ ത​ന്റെ സൃ​ഷ്ടി​ക​ൾ പൊ​തു പ്ര​ദ​ർ​ശ​ന​ത്തി​നെ​ത്തി​ച്ച​ത്.

ഇ​രു​വ​രും ചി​ത്ര​ര​ച​ന​യി​ൽ വി​ദ​ഗ്ധ പ​രി​ശീ​ല​ന​മൊ​ന്നും നേ​ടി​യി​ട്ടി​ല്ല. കു​ഞ്ഞു​ന്നാ​ളി​ലെ തു​ട​ങ്ങി​യ വ​ര​ക​ളെ, നി​ര​ന്ത​ര ര​ച​ന​യി​ലൂ​ടെ പാ​ക​മാ​ക്കി​യ​പ്പോ​ൾ വി​രി​ഞ്ഞ​ത് അ​ത്ഭു​ത​പ്പെ​ടു​ത്തു​ന്ന കാ​ഴ്ച​ക​ൾ. ഖ​ത്ത​റി​ലെ കാ​ഴ്ച​ക​ളും നാ​ടി​​ന്റെ പ​ച്ച​പ്പു​മെ​ല്ലാ​മാ​ണ് നീ​ത ജോ​ളി​യു​ടെ കാ​ൻ​വാ​സു​ക​ൾ നി​റ​യെ. ദീ​പ്തി​യു​ടെ വ​ര​ക​ളി​ൽ ശ്രീ​കൃ​ഷ്ണ​നും ശ്രീ​ബു​ദ്ധ​നും ക​ഥ​ക​ളി​യും ഉ​ൾ​പ്പെ​ടെ നാ​ടി​ന്റെ സം​സ്കാ​ര​വും പാ​ര​മ്പ​ര്യ​വും. ത​ങ്ങ​ളു​ടെ സൃ​ഷ്ടി​ക​ളി​ൽ 25ഓ​ളം ര​ച​ന​ക​ളാ​ണ് പ്ര​ദ​ർ​ശ​ന​ത്തി​നെ​ത്തി​ച്ച​ത്. ആ​ഗ​സ്റ്റ് അ​ഞ്ചു മു​ത​ൽ ഒ​മ്പ​തു വ​രെ നീ​ണ്ടു​നി​ന്ന പ്ര​ദ​ർ​ശ​നം തി​ര​ക്ക​ഥാ​കൃ​ത്ത് അ​ഖി​ൽ പി. ​ധ​ർ​മ​ജ​ൻ ഉ​ദ്ഘാ​ട​നം ചെ​യ്തു.