ഉ​റ​ക്ക​പ്പി​ച്ച്​

ഉ​റ​ക്ക​ത്തി​ൽ​നി​ന്ന് ഞെ​ട്ടി​യെ​ണീ​റ്റ സ​ലീം മൊ​ബൈ​ൽ ഫോ​ണെ​ടു​ത്ത്​ നോ​ക്കി, സ​മ​യം 8.30.... ലാ ​ഹ​വ്​​ല വ​ലാ കു​വ​ത്ത ഇ​ല്ലാ​ബി​ല്ലാ... നേ​രം ഒ​രു​പാ​ട് വൈ​കി. ഇ​ന്ന​ലെ ഡ്യൂ​ട്ടി ക​ഴി​ഞ്ഞു​വ​ന്ന​പ്പോ​ൾ ഭ​ക്ഷ​ണം ക​ഴി​ച്ച​ശേ​ഷം ബാ​ക്കി​വ​ന്ന​ത്​ ഫ്രീ​സ​റി​ൽ എ​ടു​ത്തു​വെ​ക്കാ​ൻ മ​റ​ന്നു. ഇ​ന്ന് മെ​സ്സ് ഉ​ണ്ടാ​ക്കേ​ണ്ട ദി​വ​സ​മാ​ണ്. ഇ​നി​യെ​ന്താ​ണ് ചെ​യ്യു​ക? ഓ​ഫി​സ് ഡ്യൂ​ട്ടി ഇ​പ്പോ​ഴേ അ​ര​മ​ണി​ക്കൂ​ർ വൈ​കി, ഭ​ക്ഷ​ണം ഉ​ണ്ടാ​ക്കി കു​ളി ക​ഴി​ഞ്ഞ് ഓ​ഫി​സി​ലെ​ത്തു​​മ്പോ​ഴേ​ക്കും ചു​രു​ങ്ങി​യ​ത് ര​ണ്ട് മ​ണി​ക്കൂ​ർ കൂ​ടി വൈ​കും. ഇ​നി​യി​പ്പോ എ​ന്ത്​ ചെ​യ്യും?

ഒ​പ്പം താ​മ​സി​ക്കു​ന്ന ചെ​റി​യാ​പ്പു, കോ​യ​ക്ക, ഫൈ​സ​ൽ ഇ​വ​രൊ​ക്കെ ഡ്യൂ​ട്ടി​ക്ക് പോ​യി​ക്കാ​ണും. ആ​ലോ​ചി​ച്ച് നി​ൽ​ക്കാ​ൻ സ​മ​യ​മി​ല്ല. പെ​ട്ടെ​ന്നു​ത​ന്നെ മൊ​ബൈ​ൽ ഫോ​ണെ​ടു​ത്ത് അ​റ്റ​കൈ പ്ര​യോ​ഗം എ​ന്നോ​ണം മ​നേ​ജ​ർ​ക്ക് മെ​സേ​ജ​യ​ച്ചു.

‘അ​സ്സ​ലാ​മു​അ​ലൈ​ക്കും, മാ​ലി​ഷ് യാ ​മു​ദീ​ർ. അ​ൽ​യോം അ​ന താ​ഹി​ർ അ​സ​ൻ റോ ​മു​സ്തോ​സ​ഫ്. അ​ന മ്മ​റ ത​ഹ്ബാ​ൻ, കി​ദ ക​ല്ലാ​സ് ആ​ല​ത്തൂ​ർ ഇ​ജി മ​സ്ന (ക്ഷ​മി​ക്ക​ണം, ഞാ​നി​ന്ന്​ വൈ​കും. എ​നി​ക്ക് സു​ഖ​മി​ല്ലാ​ത്ത​തു​കൊ​ണ്ട് ക്ലി​നി​ക്കി​ൽ പോ​വ​ണം, ക​ഴി​ഞ്ഞാ​ൽ പെ​ട്ടെ​ന്നു​ത​ന്നെ ഫാ​ക്​​ട​റി​യി​ലേ​ക്കെ​ത്താം).’

രാ​വി​ലെ ത​ന്നെ ക​ള്ളം പ​റ​യേ​ണ്ടി​വ​ന്ന​തി​ൽ അ​ൽ​പം കു​റ്റ​ബോ​ധം ഉ​ണ്ടാ​യെ​ങ്കി​ലും അ​ത​ല്ലാ​തെ പി​ടി​ച്ചു​നി​ൽ​ക്കാ​ൻ വേ​റെ നി​വൃ​ത്തി​യു​ണ്ടാ​യി​രു​ന്നി​ല്ല. ചാ​ടി​യെ​ണീ​റ്റ് അ​ടു​ക്ക​ള​യി​ലോ​ട്ട് പോ​വു​േ​മ്പാ​ൾ തൊ​ട്ട​പ്പു​റ​ത്തെ റൂ​മി​ൽ​നി​ന്നും കോ​യാ​ക്ക​യു​ടെ​യും ഫൈ​സ​ലി​ന്റെ​യും സം​സാ​രം കേ​ട്ടു. ദേ​ഷ്യ​ത്തോ​ടെ അ​വ​രു​ടെ അ​ടു​ത്തേ​ക്ക് ഓ​ടി​ച്ചെ​ന്ന് ‘എ​ന്താ നി​ങ്ങ​ൾ വി​ളി​ക്കാ​തെ​യി​രു​ന്ന​ത്? സ​മ​യം ഒ​രു​പാ​ട് വൈ​കി, ഒ​ന്ന് വി​ളി​ച്ചി​രു​ന്നെ​ങ്കി രാ​വി​ലെ ത​ന്നെ ഓ​ഫി​സി​ലേ​ക്ക് വി​ളി​ച്ച്​ ക​ള്ളം പ​റ​യേ​ണ്ട ആ​വ​ശ്യം വ​രി​ല്ലാ​യി​രു​ന്നു’ എ​ന്ന്​ പ​റ​ഞ്ഞു.

‘ഇ​വ​ൻ എ​ന്തെ​ക്കെ​യാ ഈ ​വി​ളി​ച്ചു​പ​റ​യു​ന്ന​ത്’ എ​ന്നു​പ​റ​ഞ്ഞ കോ​യ​ക്ക​യോ​ട് ‘അ​ല്ല നി​ങ്ങ​ൾ ഡ്യൂ​ട്ടി​ക്ക് പോ​കു​ന്നി​ല്ലേ എ​നി​ക്കേ​താ​യാ​ലും വൈ​കി’ എ​ന്നും പ​റ​ഞ്ഞ് കി​ച്ച​ണി​ലോ​ട്ട് പോ​വാം തു​നി​യു​േ​മ്പാ​ഴാ​ണ്​ വൈ​ഫു​മാ​യി സം​സാ​രി​ച്ചി​രു​ന്ന ഫൈ​സ​ൽ ഫോ​ൺ ഹോ​ൾ​ഡ് ചെ​യ്തു പ​റ​ഞ്ഞ​ത്: ‘നി​ന്നെ ര​ണ്ട് പ്രാ​വ​ശ്യം വ​ന്ന് വി​ളി​ച്ച്, മീ​ൻ മ​സാ​ല കൂ​ട്ടി വെ​ക്ക്ണി​ല്ലേ എ​ന്ന് ചോ​ദി​ക്കാ​ൻ, നീ ​ന​ല്ല ഉ​റ​ക്ക​മാ​യി​രു​ന്നു.

ഇ​പ്പോ ഈ ​ഇ​ശാ​അ്​ (രാ​ത്രി ന​മ​സ്​​കാ​രം) സ​മ​യ​ത്ത്​ വ​ന്ന് എ​ന്ത്യേ വി​ളി​ക്കാ​തെ​യി​രു​ന്ന​ത് ഡ്യൂ​ട്ടി​ക്ക് പോ​വ്​​ണി​ല്ലേ എ​ന്നൊ​ക്കെ ദേ​ഷ്യ​പ്പെ​ട്ടു ചോ​ദി​ച്ചാ ഞ​ങ്ങ​ളെ​ന്താ​ണ് പ​റ​യാ?’

ഇ​ത് കേ​ട്ട​തും ബെ​ഡി​ൽ കി​ട​ക്കു​ക​യാ​യി​രു​ന്ന കോ​യാ​ക്ക ഉ​റ​ക്കെ പൊ​ട്ടി​ച്ചി​രി​ച്ച​തും ഒ​പ്പ​മാ​യി​രു​ന്നു.

ത​നി​ക്ക് പ​റ്റി​യ അ​മ​ളി​യും മാ​നേ​ജ​ർ​ക്ക് മെ​സേ​ജ​യ​ച്ച കാ​ര്യ​വും അ​വ​രോ​ട് പ​റ​ഞ്ഞ്​ ജാ​ള്യ​ത പു​റ​ത്ത് കാ​ണി​ക്കാ​തെ സ​ലീം, മാ​നേ​ജ​ർ​ക്ക​യ​ച്ച വാ​ട്സാ​പ്പ് മെ​സേ​ജ് ഡി​ലീ​റ്റ് ചെ​യ്യാ​ൻ ഓ​ടി.