ചേറുമീൻ

മൂ​ന്നു വ​ർ​ഷ​ത്തി​നുശേ​ഷമാ​ണ് വി​നീ​ത് നാ​ട്ടി​ൽ തി​രി​ച്ചെ​ത്തു​ന്ന​ത്, ഓ​ളും കു​ട്ട്യോ​ളും ഒ​ന്നും ഇ​ല്ല​ല്ലോ,

ഒ​രു വ​ർ​ഷംകൂ​ടി നി​ന്നി​ട്ട് മൂ​ന്നുമാ​സം ലീ​വ് എ​ടു​ത്തോ എ​ന്ന് അ​ർബാ​ബ് പ​റ​ഞ്ഞ​ത​നു​സ​രി​ച്ചാ​ണ് ലീ​വ് നീ​ണ്ടു പോ​യ​ത്.

മ​റു​​നാ​ട്ടി​ൽനി​ന്നും സ്വ​ന്തം നാ​ട്ടി​ൽ എ​ത്തി​യാ​ൽ ആ​ദ്യം മ​ണ​ക്കു​ന്ന​ത് ന​ന​ഞ്ഞ മ​ണ്ണ് ആ​ണ്, താ​ൻ വ​രു​ന്നു എ​ന്ന് അ​റി​ഞ്ഞ് സ​മ​യംതെ​റ്റി പെ​യ്ത മ​ഴ.

എ.​സി​യി​ൽനി​ന്നും എ.​സി​യി​ലേ​ക്കുമാ​ത്രം പ​റി​ച്ചു​ന​ട്ട മൂ​ന്നു വ​ർ​ഷ​ങ്ങ​ൾ​ക്കുശേ​ഷം നാ​ട്ടി​ൽ എ​ത്തി​യ​പ്പോ​ൾ വി​നീ​ത് ശ്വാ​സം ഒ​ന്ന് അ​ക​ത്തേ​ക്കു വ​ലി​ച്ചു. കാ​റി​ൽ ക​യ​റി​യ​പാ​ടെ സു​ഹൃ​ത്ത്‌ ര​ഞ്ജ​ൻ ഗ്ലാ​സ്‌ താ​ഴ്ത്തി എ.​സി ഇ​ട്ടു, വി​നീ​ത് എ.​സി ഓ​ഫ്‌ ചെ​യ്തു ഗ്ലാ​സ്‌ മു​ക​ളി​ലേ​ക്ക് ഉ​യ​ർ​ത്തി ത​ല അ​ൽ​പം പു​റ​ത്തേ​ക്ക് ഇ​ട്ട് വീ​ണ്ടും ശ്വാ​സം ഉ​ള്ളി​ലേ​ക്ക് എ​ടു​ത്തു.

ചെ​റി​യ മ​ഴ ആ ​സ​മ​യം വീ​ണ്ടും വ​ര​വേ​റ്റു.

ക​ണ്ണു​ക​ൾ മെ​ല്ലെ ഇ​റു​ക്കി അ​ട​ച്ചു. മ​ന​സ്സി​ൽ നാ​ട്ടി​ലെ പു​ഴ തെ​ളി​ഞ്ഞു വ​ന്നു. പു​ഴ​യി​ൽ പോ​യി വി​ശാ​ല​മാ​യി ഒ​ന്ന് കു​ളി​ക്ക​ണം. മൂ​ഴി പാ​റ​യി​ൽ പോ​യി ന​ല്ല ചേ​റുമീ​നി​നെ പി​ടി​ക്ക​ണം. ചേ​റുമീ​ൻ പി​ടി​ക്കു​ന്ന​ത് മി​ന​ക്കെ​ട്ട പ​ണിയാണ്, ക്ഷ​മ​യു​ടെ നെ​ല്ലി​പ്പ​ടി കാ​ണും.

ആ ​നെ​ല്ലിപ്പടി​ക​ൾ​ക്ക് അ​വ​സാ​നം ചൂ​ണ്ട​യി​ൽ ചേ​റുമീ​ൻ കു​ടു​ങ്ങും. അ​ഞ്ചു കി​ലോ​ക്ക് മു​ക​ളി​ലു​ള്ള അ​വ​നെ പി​ടി​ച്ചു പൊ​ന്തി​ക്കു​മ്പോ​ൾ കി​ട്ടു​ന്ന ഒ​രി​തും ബു​ർ​ജ് ഖ​ലീ​ഫ​ക്ക് മു​ക​ളി​ൽ പോ​യി താ​ഴോ​ട്ട് നോ​ക്കു​മ്പോ​ൾ കി​ട്ടി​ല്ല.

ചേ​റു​മീ​ൻ ഉ​ള്ള സ്ഥ​ലം നേ​ര​ത്തേ ക​ണ്ടെ​ത്തും, അ​വ മാ​ള​ത്തി​ൽനി​ന്നും പു​റ​ത്തി​റ​ങ്ങു​മ്പോ​ൾ കു​മി​ള​ക​ൾ പു​റ​പ്പെ​ടു​വി​ക്കും, ആ ​സ്ഥ​ല​ത്തെ പാ​റ​യി​ൽ ഇ​രു​ന്നു, ഗ​ൾ​ഫി​ൽ പോ​കു​ന്ന​ത് സ്വ​പ്നം ക​ണ്ട് ഇ​രി​ക്കും.​ ഇ​രു​ന്നു ഇ​രു​ന്നു കാ​ല് ക​ഴ​ക്കും. കാ​ല് ക​ഴ​ച്ചു ക​ഴ​ച്ചു അ​പ്ര​തീ​ക്ഷി​ത​മാ​യി വി​സ വ​രു​ന്നപോ​ലെ അ​താ മു​ന്നി​ൽ ഏ​റ്റ​വും വ​ലി​യ ചേ​റു​മീ​ൻ നി​ന്നു ക​ര​യു​ന്നു!

മ​ന​സ്സ് തു​ള്ളിച്ചാ​ടി​യ നി​മി​ഷം, ദു​ബൈ​യി​ൽ പോ​യി ര​ക്ഷ​പ്പെ​ട്ട ജ​ലീ​ൽ, സ​ഹ​പാ​ഠി റ​നീ​ഷ് എ​ന്നി​വ​ർ ഒ​ക്കെ​യാ​ണ് മ​ന​സ്സി​ൽ നി​റ​യെ. അ​വ​രെ​ക്കാ​ളും വ​ലി​യ ചേ​റുമീ​നി​നെ പി​ടി​ക്ക​ണം. ച​ളി​​ക്കി​ട​യി​ൽ പ​തു​ങ്ങി അ​വ എ​ങ്ങ​നെ​യാ​ണ് ഇ​ത്ര വ​ലു​പ്പം വെ​ക്കു​ന്ന​തെ​ന്നു എ​ത്ര ആ​ലോ​ചി​ച്ചി​ട്ടും പി​ടികി​ട്ടി​യി​ല്ല.

ക്ഷ​മി​ക്കാ​ൻ പ​ഠി​ച്ച​ത് അ​ന്നുമു​ത​ലാ​ണ്, പ്രീഡി​ഗ്രി അ​വ​സാ​ന വ​ർ​ഷം. ആ​ദ്യ വ​ർ​ഷം ചോ​രത്തിള​പ്പി​ന്റെ കാ​ലമാ​യി​രു​ന്നു. കോ​ള​ജി​ൽ അ​ടി​പി​ടി​യു​ടെ കാ​ലം, ര​ണ്ട് ചേ​രി​ക​ളാ​യി ത​ല്ലു കൊ​ടു​ത്തും കൊ​ണ്ടും ന​ട​ന്ന കാ​ലം.

‘‘അ​വ​നെ ഇ​ടി​ക്ക​ണം. വ​ന്നു ക​യ​റി​യി​ല്ല വ​ന്നപാ​ടെ തു​ട​ങ്ങി അ​വ​ന്റെ സം​ഘ​ട​നാ പ്ര​വ​ർ​ത്ത​നം.’’ സ്വ​ന്തം നാ​ട്ടി​ൽ നി​ന്നും വ​ന്ന​വ​നെ മൂ​ക്കി​ൽ ഇ​ടി​ച്ചുവീ​ഴ്ത്തി. അ​തി​ന് പ്ര​തി​കാ​രം വ​ലു​താ​യി​രു​ന്നു, വീ​ട്ടി​ലെ കി​ണ​റ്റി​ൽ ച​ത്ത പൂ​ച്ച​യെ കൊ​ണ്ടി​ട്ടു എ​തി​ർ​ പാ​ർ​ട്ടി​ക്കാ​ർ. വെ​ള്ളംകു​ടി മു​ട്ടി, അ​തോ​ടെ പാ​ർ​ട്ടി പ്ര​വ​ർ​ത്ത​ന​വും.

‘‘നീ ​ശ​രി​യാ​വി​ല്ല, നി​ന​ക്ക് ന​ല്ല​ത് ഗ​ൾ​ഫ് ആ​ണ്. അ​വി​ടെ പോ​യാ​ലെ നീ ​പ​ഠി​ക്കൂ’’ അ​ച്ഛ​ന്റെ അ​ന്ത്യ​ശാ​സ​നം! അ​തി​ൽ വി​നീ​ത് വീ​ണു. ഗ​ൾ​ഫ് എ​ന്ന സ്വ​പ്നം പ​ണം കാ​യ്ക്കു​ന്ന മ​രംപോ​ലെ മ​ന​സ്സി​ൽ ത​ഴ​ച്ചുവ​ള​ർ​ന്നു. അ​ന്ന് സ്മാ​ർ​ട്ട്‌ ഫോ​ൺ ഇ​ല്ലാ​യി​രു​ന്നു. അ​തു​ണ്ടാ​യി​രു​ന്നെ​ങ്കി​ൽ അ​തി​ന്റെ ഫോ​ട്ടോ ഇ​ൻ​സ്റ്റ​യി​ൽ ഇ​ട്ട് അ​ഞ്ഞൂ​റ് ലൈ​ക്ക് എ​ങ്കി​ലും വാ​ങ്ങി​യേ​നെ.

ചേ​റു​മീ​ൻ പി​ടി​ച്ച​പ്പോ​ൾ അ​ന്ന​ത്തെ 1000 രൂ​പ അ​താ​യ​ത് ഇ​ന്ന​ത്തെ 5000 ത​രാം എ​ന്ന് നാ​ട്ടി​ലെ ബ​സ് മു​ത​ലാ​ളി ഖാ​ദ​ർ​ക്ക പ​റ​ഞ്ഞ​താ, പ​ക്ഷേ എ​ന്തോ കൊ​ടു​ക്കാ​ൻ തോ​ന്നി​യി​ല്ല. അ​ത് അ​ച്ഛ​നും അ​മ്മ​യും വീ​ട്ടു​കാ​രും തി​ന്ന​ണം എ​ന്ന് അ​ന്ന് വി​ചാ​രി​ച്ചു. അ​ങ്ങ​നെ വീ​ട്ടി​ലെ ച​ട്ടി​യി​ൽ അ​ത് കി​ട​ന്നു പി​ട​ഞ്ഞു. രാ​ത്രി​യി​ൽ ചോ​റി​നും, രാ​വി​ലെ ദോ​ശ​ക്കും ക​റിയായി അ​വ​ൻ അ​ലി​ഞ്ഞുചേ​ർ​ന്നു.

ന​ങ്കീ​സ്സും കൊ​ക്ക​യും ഇ​നി മേ​ലാ​ൽ ചേ​റു​മീ​ൻ കൊ​ത്തി​ല്ല, കൊ​തി കൊ​ണ്ട​ല്ല, വി​ശ​പ്പ് കൊ​ണ്ടാ​ണ്, ഇ​ര​യി​ൽ വാ​യ അ​മ​ർ​ത്തി​യ​ത് പ​ക്ഷേ....

പെ​ട്ടു എ​ന്ന് പ​റ​ഞ്ഞാ​ൽ മ​തി​യ​ല്ലോ, ശ​രി​ക്കും പെ​ട്ട്!

അ​ർബാ​ബ് നൂ​ൽ അ​ഴി​ച്ചുവി​ട്ടു, വി​നീ​ത്, ഇ​ര നോ​ക്കി കു​തി​ക്കാ​ൻ തു​ട​ങ്ങി.

തൊ​ണ്ട​യി​ൽ കു​ടു​ങ്ങി ആ ​നേ​ര​വും ഒ​രു അ​മ്പതു മീ​റ്റ​ർ ഓ​ടി അ​വ​സാ​നം ത​ള​ർ​ന്നു, മ​ല​ക്കം മ​റ​ഞ്ഞു, അ​പ്പോ​ൾ ചൊ​ട്ടി എ​ടു​ത്തു, മ​രു​ഭൂ​മി​യി​ൽ വി​നീ​ത് കി​ട​ന്നു പി​ട​യു​ന്നു!

‘ഇ​നി നീ ​എ​ന്റെ സ്വ​ന്തം’ അ​റ​ബാ​ബ് വി​സ നോ​ക്കി മു​ര​ണ്ടു.

പാ​റപ്പുറ​ത്തേ​ക്ക് വീ​ണ ചേ​റുമീ​ൻ കി​ട​ന്ന് പി​ട​യു​ന്നു. മീ​നി​നെ നോ​ക്കി വി​നീ​ത് പ​റ​ഞ്ഞു ‘‘നീ ​ഇ​ന്ന് എ​ന്റെ സ്വ​ന്തം.’’

ക​ര​യി​ൽ വീ​ണ മീ​ൻ ശ്വാ​സംകി​ട്ടാ​തെ പി​ട​ഞ്ഞു.​ മ​നു​ഷ്യ​നാ​ണേ​ൽ ഇ​തൊ​ക്കെ അ​തി​ജീ​വി​ച്ചേ​നെ.

ആ​ടുജീ​വി​തം വാ​യി​ച്ചു ചി​രി​ച്ച പ്ര​വാ​സി ബി​നു, ആ​ടുജീ​വി​തം വാ​യി​ച്ചു ക​ര​ഞ്ഞ വി​നീ​ത്, വാ​യി​ച്ചാ​ലും വ​ള​രും വാ​യി​ച്ചി​​േല്ല​ലും വ​ള​രും എ​ന്ന് പ​റ​ഞ്ഞുന​ട​ക്കു​ന്ന അ​ഷ്‌​റ​ഫ്‌. ഇ​വ​രൊ​ക്കെ ഒ​രുമു​റി​യി​ൽ ജീ​വി​ക്കു​ന്ന​താ​ണ് പ്ര​വാ​സം.

കാ​റി​ന്റെ വേ​ഗ​ത കു​റ​ഞ്ഞു, പാ​ടം നി​ക​ത്തി റോ​ഡാ​ക്കി​യ വ​ഴി​യി​ലൂ​ടെ കാ​ർ മെ​ല്ലെ നീ​ങ്ങി. പ​ണ്ട് ആ​ണേ​ൽ ഇ​റ​ങ്ങി ന​ട​ക്കേ​ണ്ടിവ​ന്നേ​നെ, നാ​ട്ടാ​രു​ടെ ശ്ര​മഫ​ലം എ​ന്ന് പ​റ​ഞ്ഞു വാ​ർ​ഡ് കൗ​ൺ​സി​ല​ർ ഒ​രു തു​ക വാ​ങ്ങി, എ​ന്നാ​ലും എ​ന്താ നാ​ട്ടി​ൽ ഞാ​ൻ ഉ​ണ്ടെ​ങ്കി​ൽ റോ​ഡ് വെ​ട്ടാ​ൻ മ​ൺ​വെ​ട്ടി​യു​മാ​യി ഇ​റ​ങ്ങേ​ണ്ടി വ​ന്നേ​നെ. ഇ​തി​പ്പോ.

കാ​റ് വീ​ടി​ന്റെ മു​ന്നി​ൽ എ​ത്തി,‘‘ഇ​റ​ങ്ങു വി​നീ​തെ’’ ര​ഞ്ജ​ൻ പ​റ​ഞ്ഞു. അ​പ്പു​റ​ത്തെ വീ​ട്ടി​ൽനി​ന്നും പ​ഴ​യ കാ​മു​കി എ​ത്തി നോ​ക്കി, അ​ത് ക​ണ്ട​പാ​ടെ കൈയിൽ ക​രു​തി​യ റെ​യ്ബാ​ൻ ഗ്ലാ​സ്‌ എ​ടു​ത്തു ക​ണ്ണി​ൽ വെ​ച്ചു.

അ​വ​ളെ നോ​ക്കി, പ​ഴ​യ​തി​നെ​ക്കാ​ൾ മെ​ലി​ഞ്ഞ ശ​രീ​രം എ​ല്ലുംകൊ​ട്ടപോ​ലെ തോ​ന്നി​ച്ചു.

തോ​ർ​ത്ത്‌ എ​ടു​ത്തു പു​ഴ​യി​ൽ പോ​കാ​ൻ തു​ട​ങ്ങു​മ്പോ​ൾ അ​മ്മ​യു​ടെ ശാ​സ​ന ‘‘പ​ഴ​യ പു​ഴ അ​ല്ല പു​തി​യ പു​ഴ, ഒ​ഴു​ക്ക് നി​ല​ച്ചു, കു​ളി​ച്ചാ​ൽ ചൊ​റി പി​ടി​ക്കും, നി​ന​ക്ക് ന​ല്ല ചൂ​ടു വെ​ള്ളം വെ​ച്ചി​ട്ടു​ണ്ട് അ​ത് എ​ടു​ത്തു കു​ളി​ച്ചോ...’’

ചൂ​ട് വെ​ള്ളം കോ​രി ഒ​ഴി​ക്കു​മ്പോ​ൾ ക​ണ്ണി​ൽനി​ന്നും ത​ണു​ത്ത വെ​ള്ളം ഒ​ഴു​കിവ​രാ​ൻ തു​ട​ങ്ങി, ബ​ക്ക​റ്റി​ൽ കി​ട​ന്നു അ​ന്ന് ജീ​വ​ന് വേ​ണ്ടി പു​ള​ഞ്ഞ അ​തേ ചേ​റുമീ​ൻ ആ​യി വി​നീ​ത്!