സ്വ​ന്ത​മാ​ക്കി​യി​ട്ടും സ്വ​ന്ത​മ​ല്ലാ​താ​കു​ന്ന​ത്

മ​നു​ഷ്യ​വം​ശ​ത്തി​ന്റെ വി​ശ്രു​ത ലോ​ക​ത്തി​ലേ​ക്ക് ന​മ്മെ ശീ​ഘ്ര​ത്തി​ൽ കൂ​ട്ടി​ക്കൊ​ണ്ടു​പോ​കു​ന്ന വ​ഴി​കാ​ട്ടി​യാ​ണ് നോ​വ​ലും ക​വി​ത​യും മ​റ്റു സ​ർ​ഗാ​ത്മ​ക സാ​ഹി​ത്യ​ങ്ങ​ളും. അ​തി​ലൂ​ടെ നാം ​ന​മ്മ​ള​ല്ലാ​ത്ത മ​നു​ഷ്യ​രി​ലേ​ക്ക് ഉ​ത്സാ​ഹ​ത്തോ​ടെ സ​ഞ്ച​രി​ക്കു​ന്നു. അ​വ​രു​ടെ ആ​ഹ്ലാ​ദ​ങ്ങ​ളി​ലേ​ക്ക്, വി​ഷാ​ദ​സം​ഘ​ർ​ഷ​ങ്ങ​ളി​ലേ​ക്ക്, പോ​രാ​ട്ട​ങ്ങ​ളി​ലേ​ക്ക്, സ​ങ്ക​ട​പ്പാ​ടു​ക​ളി​ലേ​ക്ക്, ഉ​ന്മാ​ദ​ങ്ങ​ളി​ലേ​ക്ക്, വി​ശ്രാ​ന്തി​യി​ലേ​ക്ക്... അ​പ്പോ​ൾ നാം ​ന​മ്മു​ടെ ജീ​വി​ത​ത്തി​ൽനി​ന്നും സ്വ​യം വി​മോ​ചി​പ്പി​ക്ക​പ്പെ​ടു​ക​യും മ​നു​ഷ്യ​വം​ശ​ത്തി​ന്റെ മ​ഹാ​പ്ര​കാ​ര​നി​ര​യി​ലേ​ക്ക് അ​ന​വ​ദ്യ​മാ​യി ക​ണ്ണി​ചേ​ർ​ക്ക​പ്പെ​ടു​ക​യും ചെ​യ്യു​ന്നു. ഇ​തി​ന് ഏ​റ്റ​വും ഉ​പ​യു​ക്ത​മാ​യ വാ​യ​നാ സാ​മ​ഗ്രി നോ​വ​ൽ സ്വ​രൂ​പം ത​ന്നെ​യാ​ണ്. ആ ​മ​ഹാ നോ​വ​ൽ ശ്രേ​ണി​യി​ലെ പ്ര​മു​ഖ​മാ​യൊ​രു ര​ച​ന​യാ​ണ് ക​വി​യും നാ​ട​ക​കൃ​ത്തും കൂ​ടി​യാ​യ ബാ​പ്പു വെ​ള്ളി​പ്പ​റ​മ്പി​ന്റെ ‘പ്ര​ണ​യം പൂ​ക്കു​ന്ന അ​ധോ​ലോ​കം’.

മ​നു​ഷ്യ​മ​ന​സ്സ് എ​ത്ര​മാ​ത്രം സ​ങ്കീ​ർ​ണ​വും ആച്ഛാ​ദി​ത​വു​മാ​ണെ​ന്നും അ​ത് അ​വ​ന​വ​നെ​യും അ​പ​ര​നെ​യും പ​രി​ഗ​ണി​ക്കു​ന്ന​ത് എ​ങ്ങനെ​യൊ​ക്കെ​യാ​ണെ​ന്നും അ​തിസൂ​ക്ഷ്മ​മാ​യി അ​ന്വ​യി​ക്കു​ന്നൊ​രു ര​ച​ന. ചാ​ലി​യാ​ർ തീ​ര​ത്തെ തെ​ക്കേ​ക​ര​യെ​ന്ന ഒ​രു ഏ​റ​നാ​ട​ൻ ഗ്രാ​മ​മാ​ണ് നോ​വ​ലി​ന്റെ ക​ഥാ​സ്ഥാ​നം. പ്ര​ത്യേ​കി​ച്ച് തെ​ക്കേ​ക്ക​ര​യി​ലെ അ​ങ്ങാ​ടി​മു​ക്കും അ​വി​ടെ​യു​ള്ളൊ​രു​ ചാ​യ​മ​ക്കാ​നി​യും. കു​ഞ്ഞാ​ലി​യു​ടെ ആ ​ചാ​യ​ക്ക​ട​യി​ൽനി​ന്നാ​ണ് തെ​ക്കേ​ക്ക​ര​യി​ൽ സൂ​ര്യ​ൻ ഉ​ദി​ക്കു​ന്ന​തും അ​ത് ആ ​ദേ​ശജീ​വി​ത​ത്തി​ന് ചു​റ്റും തെ​ളി​മ​യോ​ടെ ക​റ​ങ്ങു​ന്ന​തും. മു​ക്രി സൈ​താ​ലി​യു​ടെ സു​ബ്ഹ് ബാ​ങ്ക് വി​ളി​യോ​ടെ​യാ​ണ് തെ​ക്കേ​ക​ര ജീ​വി​ത​ത്തി​ലേ​ക്ക് ഉ​ണ​രു​ന്ന​ത്. ബ്രോ​ക്ക​ർ കു​ഞ്ഞാ​മു​വും ഇ​രു​മ്പ​ൻ നാ​ണു​വും അ​ട്ടി​മ​റി ബീ​രാ​നും ക​ട​ത്തു​കാ​ര​ൻ മ​മ്മൂ​ട്ടി​യും പോ​ക്കി​രി ച​ന്തു​വും ജ​പ്പാ​ൻ അ​ബൂ​ബ​ക്ക​റും മ​ഹ​ല്ല് പ​ള്ളി​യി​ലെ ആ​ലി മു​സ്‍ലിയാ​രും മു​ത​ൽ അ​തി​രാ​വി​ലെത​ന്നെ ദേ​ശം ഭ​രി​ക്കാ​ൻ എ​ത്തു​ന്ന​ത് ഏ​റെ​യും വെ​റും സാ​ധാ​ര​ണ മ​നു​ഷ്യ​ർ. പ​ക്ഷേ അ​വ​ർ​ക്കൊ​ന്നും ആ ​ദേ​ശ ജീ​വി​ത​ത്തി​ൽ നി​ർ​വാ​ഹ​ക​ത്വ​മി​ല്ല. അ​വ​രൊ​ക്കെ​യും വെ​റും പെ​റു​ക്കി​ക​ളും നേ​രം​പോ​ക്കി​ക​ളും. ഏ​ത് ഗ്രാ​മ​ത്തി​ലെ​യും പോ​ലെ തെ​ക്കേ​ക്ക​ര​യി​ലെ​യും പ്ര​മാ​ണി​യാ​ണ് ബീ​രാ​ൻ ഹാ​ജി.

ബീ​രാ​ൻ ഹാ​ജി​യു​ടെ കൈ​വി​ര​ലി​ൽ ച​ക്ക​പ്പ​ശ ഉ​ണ്ടെ​ന്നാ​ണ് ചാ​യ​മ​ക്കാ​നി​യി​ലെ നാ​ട്ടു​കൂ​ട്ടം ഗ​വേ​ഷ​ണം ചെ​യ്തു ക​ണ്ടെ​ത്തി​യ​ത്. ഏ​ത് സ്വ​ത്തും ആ ​വി​ര​ലി​ലൊ​ട്ടും. അ​യാ​ൾ തെ​ക്കേ​ക്ക​ര​യി​ൽ തൊ​ട്ട​തൊ​ക്കെ​യും സ്വ​ന്ത​മാ​ക്കു​ന്നു. ഒ​ന്നു​മി​ല്ലാ​യ്മ​യി​ൽനി​ന്നാ​ണ് ബീ​രാ​ൻ പു​തു പ​ണ​ക്കാ​ര​നാ​യത് എ​ന്നതൊ​ന്നും നാ​ട്ടു​കൂ​ട്ട​ത്തി​ന് വി​ഷ​യ​മ​ല്ല. തെ​ക്കേ​ക്ക​ര​യി​ലെ ഒ​രു ഇ​ല്ല​പ്പ​റ​മ്പ് വി​ൽ​ക്കാ​ൻ വെ​ച്ച​താ​ണ് ക​ഥ​യു​ടെ മ​ർ​മം. ബീ​രാ​ൻ ഹാ​ജി അ​തി​ൽ ക​ണ്ണു​വെ​ച്ചി​രു​ന്നു. അ​ത​യാ​ൾ​ക്ക് പ​ക്ഷേ ചു​ളു​വി​ല​ക്ക് കി​ട്ട​ണം. അ​ങ്ങ​നെ താ​ള​വും ത​ഞ്ച​വും നോ​ക്കി ലാ​ക്ക് പി​ടി​ക്കു​മ്പോ​ഴാ​ണ് പ​ര​ദേ​ശ​ത്തു​നി​ന്ന് ഒ​രാ​ൾ മു​ത്ത് വി​ല​ക്ക് ഇ​ല്ല​പ്പ​റ​മ്പ് വാ​ങ്ങു​ന്ന​തും അ​വി​ടെ ജി​ന്നു​ക​ൾ ഇ​റ​ങ്ങി​യ​ത് പോ​ലെ പൊ​ടു​ന്ന​നെ​യൊ​രു വെ​ൺ മാ​ളി​ക​യും പ​ടി​പ്പു​ര​യും ഉ​യ​രു​ന്ന​തും. അ​ത് വ​രു​ത്ത​നാ​യ സ​ലീ​മി​ന്റെ മി​ടു​ക്ക്. പ​ക്ഷേ, യ​ഥാ​ർ​ഥത്തി​ൽ സ​ലീം ബി​നാ​മി​യാ​ണ്. അ​ത് തെ​ക്കേ​ക്ക​ര​യി​ൽനി​ന്ന് എ​ന്നോ നാ​ടു​വി​ട്ടു​പോ​യ ഇ​ല്ലി​ക്കാ​ത്തൊ​ടി അ​ബു​ട്ടി​ക്ക് വേ​ണ്ടി​യാ​യി​രു​ന്നു. ഒ​രു​നാ​ൾ ഇ​ല്ലി​ക്കാ​ത്തൊ​ടി അ​ബൂ​ട്ടി ബം​ഗ്ലാ​വി​ലേ​ക്ക് താ​മ​സ​ത്തി​നെ​ത്തി. അ​ബൂ​ട്ടി ഒ​റ്റ​യാ​ൾ​ത്ത​ടി​യാ​ണ്. പെ​ണ്ണും പെ​ട​ക്കോ​ഴി​യു​മി​ല്ല.

ബം​ഗ്ലാ​വി​ൽ താ​മ​സ​ക്കാ​രെ​ത്തി​യ​തോ​ടെ തെ​ക്കേ​ക്ക​ര തി​ള​ച്ചുമ​റി​യാ​ൻ തു​ട​ങ്ങു​ന്നു. ശ​രി​ക്കും ബീ​രാ​ൻ ഹാ​ജി​ക്ക് ഒ​രു പു​തി​യ പ്ര​തി​യോ​ഗി​യാ​യി വ​ള​ർ​ന്നു ഇ​ല്ലി​ക്കാ​ത്തൊ​ടി അ​ബൂ​ട്ടി. പി​ന്നെ ആ ​ദേ​ശം കു​രു​ക്ഷേ​ത്ര​മാ​യി. അ​ക്ഷൗ​ഹി​ണി​ക​ൾ നി​ര​ന്നു. കൊ​മ്പും​കു​ഴ​ൽ വി​ളി​യും മു​ഴ​ങ്ങി. പ​ട കു​ടീ​ര​ങ്ങ​ൾ ഉ​ണ​ർ​ന്നു. ആ ​യു​ദ്ധ​ഗാ​ഥ​യാ​ണ് ഈ ​പു​സ്ത​കം. ആ​ർ​ത്തി​യും പ്ര​തി​കാ​ര​വും സൂനാ​മി​ത്തി​ര പോ​ലെ ഇ​ര​മ്പി മ​റി​യു​ന്ന മ​നു​ഷ്യ​ജീ​വി​ത​ത്തി​ന്റെ അ​സാ​ധാ​ര​ണ​വും ഒ​പ്പം വി​കാ​ര തീ​ക്ഷ്ണവു​മാ​യ അ​നു​ഭ​വ​ങ്ങ​ളാ​ണ് ഈ ​നോ​വ​ൽ ന​മ്മോ​ട് സം​സാ​രി​ക്കു​ന്ന​ത്.

എ​ത്ര സ​ങ്കീ​ർ​ണ​വും നി​ഗൂ​ഢ​വു​മാ​യാ​ണ് മ​നു​ഷ്യ​മ​ന​സ്സ് പ്ര​വ​ർ​ത്തി​ക്കു​ന്ന​തെ​ന്നും അ​പ്ര​തീ​ക്ഷി​ത​മാ​യ നൂ​റു നൂ​റ് ഊ​ടു​വ​ഴി​ക​ളി​ലൂ​ടെ​യ​ത് നെ​ടു​കെ​യും കു​റു​കെ​യും സ​ഞ്ച​രി​ക്കു​ന്ന​തെ​ന്നു​മ​റി​യാ​ൻ നാം ​ഈ നോ​വ​ൽ വാ​യി​ക്ക​ണം. മ​നു​ഷ്യ​മ​ന​സ്സി​ന്റെ നി​ഗൂ​ഢ ഭാ​വ​വും അ​വി​ടെ ന​ട​ക്കു​ന്ന കു​രു​ക്ഷേ​ത്രയു​ദ്ധ തീ​ക്ഷ​ണ​ത​യു​മ​റി​യാ​ൻ ഈ ​പു​സ്ത​കം ധാ​രാ​ളം മ​തി​യാ​വും. ‘പ്ര​ണ​യം പൂ​ക്കു​ന്ന അ​ധോ​ലോ​കം’ വാ​യി​ക്കു​മ്പോ​ൾ ന​മ്മെ ന​മ്മി​ൽ​നി​ന്ന് നാ​മ​റി​യാ​തെ നാം ​ത​ന്നെ വി​മോ​ചി​പ്പി​ക്കു​ക​യും അ​പ​ര ജീ​വി​ത​ങ്ങ​ളി​ലെ നി​ഗൂ​ഢ ലോ​ക​ത്തി​ലേ​ക്ക് ശീ​ഘ്ര​ത്തി​ൽ കൊ​ണ്ടു​പോ​വു​ക​യും ചെ​യ്യു​ന്നു. ഇ​വി​ടെ അ​പ​ര​ത്വ​വും ന​മ്മ​ളു​മാ​യി ആ​രോ​ഗ്യ​ക​ര​മാ​യൊ​രു താ​ര​ത​മ്യം സം​ഭ​വി​ക്കു​ന്നു. അ​തൊ​രു വി​മ​ലീ​ക​ര​ണ പ്ര​വ​ർ​ത്ത​ന​മാ​ണ്. വ​ലി​യൊ​രു സാ​ധ്യ​ത​യാ​ണ​ത് ന​മു​ക്ക് തു​റ​ന്നുത​രു​ന്ന​ത്. വി​ന​യ​പ്പെ​ട​ലി​ന്റെ സാ​ന്ദ്രി​മ മു​റ്റി​യ സാ​ധ്യ​ത. ആ ​നി​ല​യി​ൽ സാ​മാ​ന്യ വാ​യ​ന ആ​വ​ശ്യ​പ്പെ​ടു​ന്ന ഒ​രു നോ​വ​ൽ ത​ന്നെ​യാ​ണി​ത്.