പി. വത്സല; തിരുനെല്ലിയെ പ്രണയിച്ച എഴുത്തുകാരി

കോ​ഴി​ക്കോ​ട്: ആ​ദി​വാ​സി​ക​ളു​ടെ ജീ​വി​ത​വും ച​രി​ത്ര​വും സാം​സ്കാ​രി​ക സ​വി​ശേ​ഷ​ത​ക​ളും പോ​രാ​ട്ട​ങ്ങ​ളും ആ​വി​ഷ്‍ക​രി​ച്ച ക​ഥാ​കാ​രി​യാ​ണ് ഓ​ർ​മ​യാ​വു​ന്ന​ത്. പി. ​വ​ത്സ​ല​യു​ടെ വി​ഖ്യാ​ത​മാ​യ നോ​വ​ൽ ‘നെ​ല്ല്’ ച​രി​ത്ര​ത്തി​ന്റെ ഇ​ട​നാ​ഴി​യി​ൽ ത​ട​ഞ്ഞ് വീ​ണു​പോ​യ ഒ​രു​കൂ​ട്ടം മ​നു​ഷ്യ​രു​ടെ ക​ഥ​യാ​യി​രു​ന്നു. വ​യ​നാ​ട്ടി​ലെ വ​യ​ലു​ക​ളി​ലും സ​മൂ​ഹ​ങ്ങ​ളി​ലും ക​ണ്ട ക​ഥാ​പാ​ത്ര​ങ്ങ​ളാ​ണ് ത​ന്റെ ക​ഥ​ക​ളി​ലു​ള്ള​തെ​ന്ന് ക​ഥാ​കാ​രി ഒ​രു അ​ഭി​മു​ഖ​ത്തി​ൽ പ​റ​ഞ്ഞി​രു​ന്നു.

ക​ഥാ​കാ​രി​ക്ക് വ​യ​നാ​ട്ടി​ലെ തി​രു​നെ​ല്ലി ഒ​രു സ്വ​പ്ന​ഭൂ​മി​യാ​യി​രു​ന്നു. സ​ഞ്ചാ​ര​സാ​ഹി​ത്യ​കാ​ര​ൻ എ​സ്.​കെ. പൊ​റ്റെ​ക്കാ​ട്ടും ക​ഥ​ക​ളു​ടെ പെ​രു​ന്ത​ച്ച​നാ​യ എം.​ടി. വാ​സു​ദേ​വ​ൻ നാ​യ​രു​മാ​യി​രു​ന്നു പ്ര​ചോ​ദ​നം. 32ാമ​ത്തെ വ​യ​സ്സി​ൽ ആ​റു​മാ​സം മാ​ത്രം പ്രാ​യ​മാ​യ മ​ക​ളെ​യും കൊ​ണ്ടാ​ണ് അ​വ​ർ ഭ​ർ​ത്താ​വു​മൊ​ന്നി​ച്ച് തി​രു​നെ​ല്ലി​യി​ലേ​ക്ക് പു​റ​പ്പെ​ട്ട​ത്. കീ​ഴാ​ള​വ​ർ​ഗ​ത്തോ​ടും പ്ര​കൃ​തി​യോ​ടു​മു​ള്ള ചൂ​ഷ​ണ​ത്തി​ന്റെ​യും വ​ഞ്ച​ന​യു​ടെ​യും ക​ഥ​ക​ൾ എ​ഴു​താ​ൻ മാ​ത്രം ക​ഥാ​കാ​രി തി​രു​നെ​ല്ലി​​യി​ലെ കൂ​മ​ൻ​കൊ​ല്ലി​യി​ൽ വീ​ട് വാ​ങ്ങി​യി​രു​ന്നു. അ​വി​ടെ, മ​ണ്ണി​നെ​യും മ​നു​ഷ്യ​രെ​യും കാ​ടി​നെ​യും പു​ഴ​​യെ​യും ജീ​വ​ജാ​ല​ങ്ങ​ളെ​യും ക​ഥാ​കാ​രി പ​ഠി​ച്ചു. ആ​ദി​വാ​സി​ക​ളു​ടെ ഇ​ട​യി​ലേ​ക്കി​റ​ങ്ങി​ച്ചെ​ന്ന് അ​വ​രു​ടെ ജീ​വി​തം അ​തേ​പ​ടി ഒ​പ്പി​യെ​ടു​ത്തു.

ബാ​ഹ്യ​ലോ​ക​ത്തി​ന്റെ ഇ​ട​പെ​ട​ലു​ക​ളി​ല്ലാ​ത്ത ദേ​ശം. പാ​വ​പ്പെ​ട്ട ആ ​മ​നു​ഷ്യ​ർ പു​റം​ലോ​ക​ത്തെ​ക്കു​റി​ച്ച് അ​റി​ഞ്ഞ​ത് ബാ​റ്റ​റി​യി​ൽ പ്ര​വ​ർ​ത്തി​ക്കു​ന്ന ട്രാ​ൻ​സി​സ്റ്റ​ർ റേ​ഡി​യോ​ക​ളി​ലൂ​ടെ​യാ​യി​രു​ന്നു. 1972 ഫെ​ബ്രു​വ​രി​യി​ലാ​ണ് നെ​ല്ലി​ന്റെ ആ​ദ്യ​പ​തി​പ്പ് പു​റ​ത്തി​റ​ങ്ങു​ന്ന​ത്. ഹി​ന്ദി ഉ​ൾ​പ്പെ​ടെ മ​റ്റു ഭാ​ഷ​ക​ളി​ലേ​ക്കും മൊ​ഴി​മാ​റ്റ​പ്പെ​ട്ടു. നോ​വ​ൽ രാ​മു കാ​ര്യാ​ട്ട് സി​നി​മ​യു​മാ​ക്കി.

ആ​ദ്യ തി​രു​നെ​ല്ലി യാ​ത്ര​യെ​ക്കു​റി​ച്ച് ക​ഥാ​കാ​രി ഒ​രു അ​ഭി​മു​ഖ​ത്തി​ൽ വി​വ​രി​ച്ച​ത് ഇ​ങ്ങ​നെ​യാ​ണ്: ‘‘ആ​ദ്യ​മാ​യി തി​രു​നെ​ല്ലി​യി​ൽ പോ​യ​ത് ഇ​പ്പോ​ഴും മ​റ​ക്കാ​നാ​വി​ല്ല. അ​ക്കാ​ല​ത്ത് തി​രു​നെ​ല്ലി​യി​ലൊ​ന്നും ആ​രും പോ​വി​ല്ല. അ​ഞ്ചു മാ​സം പ്രാ​യ​മു​ള്ള കു​ട്ടി​യു​മാ​യാ​ണ് പോ​യ​ത്. വാ​ഹ​ന​ങ്ങ​ൾ അ​ധി​ക​മി​ല്ല. ക​ഷ്ടി ഒ​രു റോ​ഡു​ണ്ട്. പു​ഴ​ക്കു കു​റു​കെ പാ​ല​മി​ല്ല. മാ​ന​ന്ത​വാ​ടി​യി​ലെ​ത്തി​യ​പ്പോ​ൾ ജീ​പ്പി​ന് ഡ്രൈ​വ​റി​ല്ല. പാ​നൂ​രു​കാ​ര​നാ​യ ഒ​രു ഹം​സ​യെ തേ​ടി​പ്പി​ടി​ച്ചു​കൊ​ണ്ടു​വ​ന്നു. കാ​ടി​നു​ള്ളി​ലൂ​ടെ അ​യാ​ളാ​ണ് ജീ​പ്പ് ഓ​ടി​ച്ചു​കൊ​ണ്ടു​പോ​യ​ത്. ക​ന​ത്ത മ​ഴ പെ​യ്യു​ക​യാ​ണ്. കു​ത്തി​യൊ​ലി​ച്ച് വെ​ള്ളം ഒ​ഴു​കു​ക​യാ​ണ്. തി​രു​നെ​ല്ലി എ​ത്തു​മെ​ന്ന​തി​ൽ ഹം​സ​ക്ക് സം​ശ​യ​മാ​യി​രു​ന്നു. താ​മ​സം ഏ​ർ​പ്പാ​ടു​ചെ​യ്യാ​മെ​ന്നേ​റ്റ​യാ​ൾ ഞ​ങ്ങ​ൾ ചെ​ല്ലു​മ്പോ​ൾ അ​വി​ടെ​യി​ല്ല. ര​ണ്ടു ദി​വ​സം അ​യാ​ളു​ടെ വീ​ട്ടി​ൽ താ​മ​സി​ച്ചു. മൂ​ന്നാം​ദി​വ​സ​മാ​ണ് താ​മ​സി​ക്കാ​ൻ ‘മ​ന​യ​മ്മ’​യു​ടെ വീ​ട് ശ​രി​യാ​ക്കി​യ​ത്. മ​ന​യ​മ്മ​യു​ടെ മ​ക​നു താ​മ​സി​ക്കാ​ൻ വേ​ണ്ടി​യു​ണ്ടാ​ക്കി​യ ക​ള​പ്പു​ര​യി​ലാ​ണ് ഞ​ങ്ങ​ൾ താ​മ​സി​ച്ച​ത്.