ചിത്രീകരണം: സൂര്യജ എം.
1.
''എന്താ ജാതി?''
''മനുഷ്യനാണ്.''
''ആയിക്കോട്ടെ, ഏതാ മതം?''
''അറിയില്ല''
''മനസ്സിലായി.''
''എന്ത്?''
''ജാതീം മതോം.''
''അതെങ്ങനെ?''
''നിങ്ങളല്ലേ പറഞ്ഞത്, ജാതീം മതോല്ലാന്ന്''
''അതെ.''
''അപ്പോ, ആദിവാസിയാ, അല്ലേ? ദലിത്?''
***************************************************
2.
''എപ്പോഴാണെഴുത്ത്?''
''എപ്പോഴും.''
''എവിടെ?''
''അവനവനില്‍.''
''വായനയോ?''
''അതിന് കണ്ണില്ലല്ലോ!''
*********************************************************
3.
''ഞാനയച്ച വാക്കവിടെയെത്തിയോ?''
''എത്തി. ഒന്നും മിണ്ടുന്നില്ലല്ലോ?''
''ഏതര്‍ത്ഥത്തിലുരിയാടണമെന്ന് ഓര്‍ത്തെടുക്കുകയാവും.''
''കാത്തിരിക്കാം.''
''വേദനിപ്പിക്കരുത്.''
**************************************************************
4.
''വായനയുണ്ടോ?''
''വായനയില്ല.''
''പിന്നെന്താ ഉള്ളത്?''
''പിന്നൊന്നുമില്ല.''
****************************************************************
5.
സാംസ്കാരികം
''സാംസ്കാരിക പ്രവര്‍ത്തകനാണല്ലേ?''
''ആണല്ലോ.''
''തെരുവിലൊരു പട്ടിയുടെ ശവം കിടപ്പുണ്ട്. വണ്ടി
ഇടിച്ചതാണെന്ന് തോന്നുന്നു. മണത്തു തുടങ്ങി.''
''പട്ടിശവവും സംസ്കാരവും തമ്മിലെന്ത്?''
''പട്ടിയായാലും ശവം സംസ്കരിക്കണമല്ലോ.''
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.