മുംബൈ: സിനിമയിലെ സീനുകൾ ഉപയോഗിച്ച് സമൂഹമാധ്യമങ്ങളിലൂടെ അപമാനിച്ചതിന് പരാതി നൽകി ബോളിവുഡ് താരം സ്വര ഭാസ്കർ. യുട്യൂബറും ട്വിറ്റർ ഉപഭോക്താവുമായ വ്യക്തിക്കെതിരെയാണ് പരാതി.
സിനിമ സീനുകൾ ഉപയോഗിച്ച് തന്നെ അപമാനിക്കാൻ ശ്രമിക്കുന്നുവെന്നാണ് സ്വര പരാതി നൽകിയത്. സ്വരയുടെ പരാതിയിൽ വസത് കുഞ്ച് നോർത്ത് പൊലീസ് കേസ് രജിസ്റ്റർ ചെയ്തു. ഐ.ടി നിയമത്തിലെ വിവിധ വകുപ്പുകൾ പ്രകാരമാണ് കേസെടുത്തിരിക്കുന്നത്. അന്വേഷണം ആരംഭിച്ചതായി പൊലീസ് അറിയിച്ചു.
ചിത്രങ്ങളിലെ സീനുകൾ ഉപയോഗിച്ച് ഹാഷ്ടാഗുകൾ കൂട്ടിച്ചേർത്ത് സമൂഹമാധ്യമങ്ങളിലൂടെ പ്രചരിപ്പിച്ചവർക്കെതിരെയാണ് കേസ്.
രാജ്യത്തെ സാമൂഹിക രാഷ്ട്രീയ വിഷയങ്ങളിൽ പ്രതികരിച്ചതിന് സ്വരക്കെതിരെ നേരത്തേ സമൂഹമാധ്യമങ്ങളിൽ വിമർശനങ്ങളും ട്രോളുകളും ഉയർന്നിരുന്നു. ബോളിവുഡ് താരം ഷാരൂഖ് ഖാന്‍റെ മകൻ ആര്യൻ ഖാൻ മയക്കുമരുന്ന് കേസിൽ അറസ്റ്റിലായതുമായി ബന്ധപ്പെട്ടായിരുന്നു നടിയുടെ അവസാന പ്രതികരണം. ഇതിനെതിരെയും നിരവധിപേർ വിമർശനങ്ങളുമായി രംഗത്തെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.