ഐശ്വര്യ റായിയുടെ ആദ്യ ചിത്രം ഇനിയും റിലീസ് ചെയ്തിട്ടില്ലെന്ന് സംവിധായകൻ രാഹുൽ ധോലാകിയ. സുനിൽ ഷെട്ടിയായിരുന്നു ചിത്രത്തിലെ നായകനെന്നും സംവിധായകന്റെ ധാർഷ്ട്യമാണ് ഇതിന് കാരണമെന്നും രാഹുൽ ഒരു പോഡ്കാസ്റ്റ് അഭിമുഖത്തിൽ പറഞ്ഞു.
' സുനിൽ ഷെട്ടിക്കൊപ്പമായിരുന്നു ഐശ്വര്യയുടെ ആദ്യ ചിത്രം. ചിത്രത്തിന്റെ പ്രൊഡക്ഷൻ കൈകാര്യം ചെയ്യാൻ സുനിൽ എന്നോട് പറഞ്ഞു. ശശിലാൽ നായർ ആയിരുന്നു സംവിധായകൻ. സിനിമ നിർമിച്ചത് രാഹുൽ ഗുപ്തയായിരുന്നു.
പ്രൊഡക്ഷനിൽ ഞാനും ഉണ്ടായിരുന്നതുകൊണ്ട് സംവിധായകൻ ചെയ്യാൻ പാടില്ലാത്ത കാര്യങ്ങൾ ഞാൻ മനസിലാക്കി. അവിടെ നടന്നത് ശുദ്ധ വിഡ്ഢിത്തരമായിരുന്നു. സംവിധായകൻ അഹങ്കാരിയായിരുന്നു. ഗ്രാൻഡ് കാന്യൻ ദേശീയോദ്യാനത്തിൽ പാറകൾ വീഴുന്ന ആക്ഷൻ രംഗങ്ങൾ ചിത്രീകരിക്കാൻ അദ്ദേഹം ആഗ്രഹിച്ചു. ഒരു പാറ കല്ലിന് ഒരു മുറിയുടെ വലിപ്പം വേണമായിരുന്നു.അത്രയും വലിപ്പമുള്ള 1000 പാറകൾ അദ്ദേഹം ആവശ്യപ്പെട്ടു. ആ രംഗത്തിനായി എത്ര ടേക്ക് എടുക്കുമെന്ന് ചോദിച്ചപ്പോൾ അയാൾക്ക് ദേഷ്യം വന്നു. പകുതി സമയവും ഈ കാര്യങ്ങളിലേക്ക് പോകും- രാഹുൽ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.