രാജ് ചോപ്രയുടെ കഹോന പ്യാര്‍ ഹെ എന്ന ചിത്രത്തിലൂടെയാണ് ഹൃത്വിക് റോഷൻ ബോളിവുഡിൽ നായകനായി അരേങ്ങറ്റം കുറിച്ചതെങ്കിലും ആദ്യമായി കാമറക്ക് മുന്നിൽ പ്രത്യക്ഷപ്പെട്ടത് 1980 ൽ പുറത്തിറങ്ങിയ ആശ എന്ന ചിത്രത്തിലൂടെയാണ്. നടന്റെ മുത്തശ്ശൻ ജെ. ഓം പ്രകാശ് ആയിരുന്നു സിനിമ സംവിധാനം ചെയ്തത്. ചിത്രത്തിൽ ഒരു നൃത്ത രംഗത്തിൽ ആയിരുന്നു നടൻ എത്തിയത്. അന്ന് ചെയ്ത ജോലിക്ക് പ്രതിഫലം ലഭിക്കുകയും ചെയ്തു.
100 രൂപയാണ് ആദ്യ ചിത്രത്തിന് ഹൃത്വിക് റോഷന് ലഭിച്ചത്. ഒരു ബോളിവുഡ് മാധ്യമമാണ് ഇക്കാര്യം പുറത്തുവിട്ടിരിക്കുന്നത്. ഷാറൂഖ് ഖാനും സൽമാനും ലഭിച്ചിരുന്നതിനെക്കാൾ അധികം പണമാണ് ഹൃത്വിക്കിന് നൃത്തത്തിലൂടെ അന്ന് കിട്ടിയത്
75 രൂപയായിരുന്നു സൽമാൻ ഖാന്റെ ആദ്യ പ്രതിഫലം. താജ് ഹോട്ടലിൽ നൃത്തം ചെയ്തതിനാണ് നടന് 75 രൂപ ലഭിച്ചത്. ഒരു തമശക്ക് വേണ്ടിയാണ് അന്ന് ഹോട്ടലിൽ നൃത്തം ചെയ്തതെന്ന് തനിക്ക് ആദ്യമായി ലഭിച്ച പ്രതിഫല തുക വ്യക്തമാക്കി കൊണ്ട് സൽമാൻ പി.ടി.ഐയോട് പറഞ്ഞു. സൽമാനെ പോലെ ബോളിവുഡിൽ ഏറ്റവും കൂടുതൽ പ്രതിഫലം വാങ്ങുന്ന താരമാണ് ഷാറൂഖ് ഖാൻ. 50 രൂപയാണ് നടന് ആദ്യമായി ലഭിച്ചത്. ഒരു മ്യൂസിക് ഷോക്ക് വേണ്ടി നൃത്തം ചെയ്തതിനാണ് 50 രൂപ കിട്ടിയത്.
മൂവരും തങ്ങളുടെ സിനിമകളുമായി ബോളിവുഡിൽ സജീവമായി തുടരുകയാണ്.യഷ്‌രാജ് ഫിലിമിന്റെ വാർ 2 ആണ് ഹൃത്വിക് റോഷന്റെ ചിത്രം. ദീപിക പദുകോണും ജൂനിയർ എൻ.ടി. ആറും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ജവൻ, ഡുങ്കിയാണ് ഇനി പുറത്തിറങ്ങാനുള്ള ഷാറൂഖ് ചിത്രങ്ങൾ. ടൈഗർ Vs പത്താനാണ് പ്രേക്ഷകർ ആകാംക്ഷയോടെ കാത്തിരിക്കുന്ന സൽമാൻ ഖാന്റെ ചിത്രം. ഷാറഖൂഖ് ഖാനും ഈ ചിത്രത്തിന്റെ ഭാഗമാകുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.