ഭർത്താവ് ആനന്ദ് അഹൂജക്കൊപ്പം ലണ്ടനിലെ പുതിയ ആഡംബര ഭവനത്തിലേക്ക് താമസം മാറാനൊരുങ്ങി നടി സോനം കപൂർ. ലണ്ടനിലെ നോട്ടിങ് ഹില്ലിലുള്ള ആഡംബര ഭവനത്തിന്റെ വില 231 കോടിയാണ്.
2023 ജൂലൈയിലാണ് ആനന്ദ് അഹൂജയുടെ പിതാവ് ഹരീഷ് അഹൂജ 'ചാരിറ്റി ആൻഡ് റിലിജിയൻ ഓർഡറിൻ്റെ' ഉടമസ്ഥതയിലുള്ള വസ്തു വാങ്ങിയത്. 20,000 ചതുരശ്ര അടിയിൽ വ്യാപിച്ചുകിടക്കുന്ന ഈ സ്ഥലം കെൻസിംഗ്ടൺ ഗാർഡൻസിന്റെ അടുത്താണ്. എട്ടുനിലകളുള്ള കെട്ടിടത്തിൽ ചെറിയ നിർമാണ ജോലികൾ പുരോഗമിക്കുകയാണ്. ഫ്ലാറ്റിന്റെ ജോലികൾ പൂർത്തിയായാൽ ഉടൻ തന്നെ നടിയും കുടുംബവും അങ്ങോട്ടേക്ക് താമസം മാറും.
ഏറെ നാളത്തെ പ്രണയത്തിന് ശേഷം 2018 ആണ് സോനവും ബിസിനസുകാരനായ ആനന്ദ് അഹൂജയും വിവാഹിതരാവുന്നത്. വിവാഹ ശേഷം നടി ഭർത്താവിനൊപ്പം ലണ്ടനിലേക്ക് മാറി. സിനിമകളിലെ തിരക്ക് കുറച്ച് കുടുംബ ജീവിതത്തിലേക്ക് ശ്രദ്ധ നൽകാനും സോനം തയാറായി. 2022 ൽ ദമ്പതികൾക്ക് മകൻ ജനിച്ചു. വായു കപൂർ അഹുജ എന്നാണ് കുഞ്ഞിന്റെ പേര്. സിനിമാ രംഗത്ത് വീണ്ടും സജീവമാകാനുള്ള തയാറെടുപ്പിലാണ് സോനം കപൂർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.