മലയാള സിനിമയേയും താരങ്ങളേയും പ്രശംസിച്ച് നടൻ സൂര്യ. ഈ അടുത്തിടെ കണ്ടതിൽ ഏറ്റവും ഇഷ്ടപ്പെട്ട ചിത്രം ഫഹദിന്റെ ആവേശമാണെന്നും പ്രേക്ഷകരെ മനസിലാക്കി സിനിമ ചെയ്യുന്ന നടനാണ് മമ്മൂട്ടിയെന്നും സൂര്യ ഒരു എഫ്.എമ്മിന് നൽകിയ അഭിമുഖത്തിൽ പറഞ്ഞു.
'ഫഹദിന്റെ ആവേശം ഒരുപാട് ഇഷ്ടപ്പെട്ടു. ഞാൻ വളരെ ആസ്വദിച്ചു കണ്ട സിനിമയാണത്. ഫഹദ് എന്ന നടന്‍ ഓരോ സിനിമയിലും വ്യത്യസ്തമായ അഭിനയം കാഴ്ചവെച്ച് പ്രേക്ഷകരെ അത്ഭുതപ്പെടുത്തുകയാണ്. ഓരോ സിനിമയിലും അയാള്‍ എന്താണ് ചെയ്യാന്‍ പോകുന്നതെന്ന് പ്രേക്ഷകര്‍ക്ക് ഒരു പിടിയുമില്ല. അങ്ങനെ ചെയ്യാന്‍ അധികം നടന്മാര്‍ക്കും കഴിയില്ല എന്നതാണ് സത്യം. ആവേശത്തില്‍ ഓരോ സീനും ഫഹദ് എങ്ങനെയാണ് ചെയ്ത് ഫലിപ്പിച്ചതെന്ന് ആലോചിക്കുകയാണ്'.
ഫഹദിനൊപ്പം തന്നെ മമ്മൂട്ടിയോടുള്ള ആരാധനയും സൂര്യ പങ്കുവെച്ചു. ' മമ്മൂക്കയുടെ സിനിമ തിരഞ്ഞെടുപ്പ് നോക്കൂ, കാതൽ ഒരു ഉദാഹരണം മാത്രമാണ്. ഒരു നടനെന്ന നിലയിൽ അദ്ദേഹം ഇപ്പോഴും പ്രേക്ഷകരെ രസിപ്പിക്കാനുള്ള വഴികൾ കണ്ടെത്താൻ ശ്രമിക്കുന്നു. വിനോദം മാത്രമല്ല, ഒരു അഭിനേതാവ് എന്ന നിലയില്‍ ഇന്‍ഡസ്ട്രിയെയും അദ്ദേഹം ഉയർത്താൻ ശ്രമിക്കുന്നുണ്ട്. എനിക്ക് അദ്ദേഹത്തോട് വളരെയധികം ബഹുമാനമുണ്ട്'- സൂര്യ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.