മുംബൈ: ബോളിവുഡ് നടി രവീണ ടണ്ഠന്റെ കാറിടിച്ച് മൂന്നുപേർക്ക് പരിക്കേറ്റതിനെ തുടർന്ന് നടിയെയും ഡ്രൈവറെയും കൈയേറ്റം ചെയ്ത് നാട്ടുകാർ. ശനിയാഴ്ച രാത്രി മുംബൈ ബാന്ദ്ര കാർട്ടർ റോഡിലാണ് സംഭവം. സംഭവത്തിന്റെ വിഡിയോ സമൂഹ മാധ്യമങ്ങളിൽ വ്യാപകമായി പ്രചരിക്കുന്നുണ്ട്.
അപകടം നടക്കുമ്പോൾ ഡ്രൈവറാണ് കാറോടിച്ചിരുന്നത്. അപകടത്തിന് പിന്നാലെ കാറിൽ നിന്നിറങ്ങുമ്പോൾ രവീണ മദ്യപിച്ച നിലയിലായിരുന്നെന്നും ആരോപണമുണ്ട്. അശ്രദ്ധമായ ഡ്രൈവിങ്ങിനെ ചോദ്യം ചെയ്ത നാട്ടുകാരെ രവീണ അപമാനിച്ചെന്നും പറയുന്നു.
തന്റെ മൂക്കിൽനിന്ന് രക്തം വരുന്നുണ്ടെന്നും നിങ്ങൾ ഈ രാത്രി ജയിലിൽ കിടക്കേണ്ടിവരുമെന്നും പരിക്കേറ്റ സ്ത്രീ പറയുന്നതും എന്നെ അടിക്കരുതെന്ന് രവീണ പറയുന്നതുമെല്ലാം വിഡിയോയിലുണ്ട്. രവീണയുടെ ഡ്രൈവർ തന്റെ മാതാവിനെയും ബന്ധുവിനെയും ആക്രമിച്ചെന്നും മാതാവിന് തലക്ക് മുറിവേറ്റെന്നും പരിക്കേറ്റ മുഹ്സിൻ ഷെയ്ഖ് എന്നയാൾ പ്രതികരിച്ചു. സമീപത്തെ പൊലീസ് സ്റ്റേഷനിൽ സഹായം അഭ്യർഥിച്ചപ്പോൾ നാലു മണിക്കൂർ കാത്തുനിർത്തിച്ചെന്നും പരാതി ഫയൽ ചെയ്യാൻ വിസമ്മതിച്ചെന്നും അദ്ദേഹം ആരോപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.