ഇന്ത്യൻ ക്രിക്കറ്റ് ക്യാപ്റ്റൻ വിരാട് കോഹ്ലിയുടെയും ഭാര്യയും ബോളിവുഡ് താരവുമായ അനുഷ്ക ശർമയുടെയും ജീവിതത്തിലേക്ക് പുതിയ അതിഥിയെത്തുന്നു. അച്ഛനാകാൻ പോകുന്നതിന്‍റെ സന്തോഷം സമൂഹമാധ്യമങ്ങളിലൂടെയാണ് കോഹ്ലി പങ്കുവെച്ചത്.
'ഇനി ഞങ്ങൾ മൂന്ന്, 2021 ജനുവരിയിൽ ആൾ എത്തും' എന്ന അടിക്കുറിപ്പോടെയാണ് ഇരുവരും ഒരുമിച്ചുള്ള ചിത്രം പോസ്റ്റ് ചെയ്തത്. അനുഷ്ക ശർമ‍‍യും ചിത്രം പോസ്റ്റ് ചെയ്തിട്ടുണ്ട്. ഇരുവർക്കും ആശംസകൾ നേരുന്ന തിരക്കിലാണ് ആരാധകർ.
2017 ഡിസംബറിൽ ഇറ്റലിയിൽ വച്ചായിരുന്നു അനുഷ്കയുടേയും കോഹ്ലിയുടെയും വിവാഹം. ഐ.പി.എല്ലിൽ പങ്കെടുക്കുന്നതിനായി യു.എ.ഇയിലാണ് കോഹ്ലി ഇപ്പോഴുള്ളത്. 2018ൽ പുറത്തിറങ്ങിയ സീറോ ആണ് അനുഷ്കയുടെ അവസാന ചിത്രം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.