ബെര്‍ലിന്‍ ഫിലിം ഫെസ്റ്റിവലില്‍ 'പുഷ്പ: ദ റൈസിന്റെ പ്രത്യേക പ്രദർശനം. ചിത്രത്തിന്റെ പ്രദര്‍ശനത്തില്‍ അല്ലു അർജുൻ പങ്കെടുത്തു.
ആഗോള തലത്തിലുള്ള സംവിധായകര്‍, നിര്‍മ്മാതാക്കള്‍, മാര്‍ക്കറ്റ് ബയര്‍മാര്‍ തുടങ്ങിയവരുമായി കൂടിക്കാഴ്ച നടത്തും. കൂടാതെ അന്താരാഷ്‌ട്ര മാധ്യമങ്ങളോട് അദ്ദേഹം സംസാരിക്കും.
പുഷ്പ ഫ്രാഞ്ചൈസിയിലെ ആദ്യ ചിത്രമായ 'പുഷ്പ: ദ റൈസ്' പുറത്തിറങ്ങിയതോടെതന്നെ റഷ്യ, യുഎസ്എ, ഗള്‍ഫ്, ഓസ്ട്രേലിയ, ജപ്പാന്‍, യുകെ തുടങ്ങിയ സ്ഥലങ്ങളില്‍ പുഷ്പയുടെ പ്രശസ്തി ഏറെ വര്‍ദ്ധിച്ചിരുന്നു. പുഷ്പ ഫ്രാഞ്ചൈസിയിലെ രണ്ടാമത്തെ ചിത്രമായ പുഷ്പ 2; ദ റൂള്‍' ആണ് അല്ലു അര്‍ജുന്റെ പുറത്തിറങ്ങാനിരിക്കുന്ന അടുത്ത ചിത്രം. 2024 ഓഗസ്റ്റ്‌ 15-നു സ്വാതന്ത്ര്യദിനത്തോടനുബന്ധിച്ചാണ് പുഷ്പ 2 തിയറ്ററുകളിലെത്തുക.
2021ല്‍ പുറത്തിറങ്ങി പുഷ്പ വൻ വിജയമായിരുന്നു. മലയാളി നടന്‍ ഫഹദ് ഫാസിലായിരുന്നു വില്ലൻ വേഷത്തിലെത്തിയത്. ചിത്രത്തിലെ പുഷ്പരാജ് ആയിട്ടുളള അല്ലു അര്‍ജുന്റെ പ്രകടനത്തിന് ആ വര്‍ഷത്തെ മികച്ച നടനുള്ള ദേശീയ അവാര്‍ഡ് ലഭിച്ചിരുന്നു. രണ്ടാം ഭാഗത്തിനായി ആകാംക്ഷയോടെ കാത്തിരിക്കുകയാണ് പ്രേക്ഷകർ.
ആദ്യ ഭാഗം സംവിധാനം ചെയ്ത സുകുമാര്‍ തന്നെയാണ് പുഷ്പ 2 സംവിധാനം ചെയ്യുന്നത്. രശ്മിക മന്ദനയാണ് നായിക. ചിത്രത്തിന്റെ സംഗീതസംവിധാനം നിര്‍വഹിക്കുന്നത് ദേവി ശ്രീ പ്രസാദാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.