പ്രണവ് മോഹന്‍ലാല്‍, കല്യാണി പ്രിയദര്‍ശന്‍ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസന്‍ തിരക്കഥയെഴുതി സംവിധാനം ചെയ്യുന്ന 'ഹൃദയം' എന്ന ചിത്രത്തിന് ആശംസകളുമായി തെലുങ്ക് സൂപ്പർസ്റ്റാർ ചിരഞ്ജീവി. ചിത്രത്തിന്‍റെ പോസ്റ്റർ പങ്കുവെച്ചുകൊണ്ട് ട്വിറ്ററിലാണ് അദ്ദേഹം ആശംസകൾ അറിയിച്ചത്.
'എന്‍റെ പ്രിയ സുഹൃത്ത് ലാലേട്ടന്‍റെ മകൻ പ്രണവിനും ഹൃദയം ടീമിനും എല്ലാ ആശംസകളും'. -ചിരഞ്ജീവി ട്വിറ്ററിൽ കുറിച്ചു. ചിത്രത്തിന്‍റെ ഫസ്റ്റ് ലുക്ക് പോസ്റ്റർ ഇന്നലെയായിരുന്നു റിലീസായത്. ദര്‍ശന രാജേന്ദ്രന്‍, അജു വര്‍ഗീസ്, ബൈജു സന്തോഷ്, അരുണ്‍ കുര്യന്‍, വിജയരാഘവന്‍, തുടങ്ങിയവരാണ് ഹൃദയത്തിലെ മറ്റു താരങ്ങള്‍.
Best wishes to @impranavlal son of my dear friend #Lalettan @Mohanlal and the entire team of @hridayamthefilm @kalyanipriyan @darshanarajend #VineethSreenivasan @merrylandcine #BigBangEntertainments #Hridayam #HridayamFirstLook pic.twitter.com/7bauHwedfW
— Chiranjeevi Konidela (@KChiruTweets) April 18, 2021
മേരി ലാന്‍റ് സിനിമാസ് ആൻഡ് ബിഗ് ബാങ് എന്‍റര്‍ടെയ്ൻമെന്‍റ്സിന്‍റെ ബാനറില്‍ ൈവശാഖ് സുബ്രഹ്മണ്യന്‍ നിര്‍മ്മിക്കുന്ന ഈ ചിത്രത്തിന്‍റെ ഛായാഗ്രഹണം വിശ്വജിത്ത് ഒടുക്കത്തില്‍ നിര്‍വ്വഹിക്കുന്നു. സംഗീതം-ഹിഷാം അബ്ദുൽ വഹാബ്, എഡിറ്റര്‍-രഞ്ജന്‍ എബ്രാഹം, കോ പ്രൊഡ്യുസര്‍-നോബിള്‍ ബാബു തോമസ്സ്, പ്രൊഡക്ഷന്‍ കണ്‍ട്രോളര്‍-ഷാഫി ചെമ്മാട്, അസ്സോസിയേറ്റ് ഡയറക്ടര്‍-അനില്‍ എബ്രാഹം, സ്റ്റില്‍സ്-ബിജിത്ത് ധര്‍മ്മടം, വാര്‍ത്ത പ്രചരണം-എ.എസ്. ദിനേശ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.