തലമുറ വ്യത്യാസമില്ലാതെ പ്രേക്ഷകർ നെഞ്ചിലേറ്റുന്ന ചിത്രമാണ് ദശരഥം.1989 ൽ ലോഹിതദാസിന്റെ തിരക്കഥയിൽ പിറന്ന ചിത്രം ഇന്നും കാഴ്ചക്കാരെ നേടുന്നുണ്ട്. സിനിമയുടെ രണ്ടാംഭാഗത്തെ കുറിച്ചുള്ള താൽപര്യം സംവിധായകൻ സിബി മലയിൽ പ്രകടിപ്പിച്ചിരുന്നു.
ഇപ്പോഴിതാ സിനിമ നടക്കാത്തതിന്റെ കാരണം വെളിപ്പെടുത്തുകയാണ് സംവിധായകൻ സിബി മലയിൽ. പുതിയ ചിത്രവുമായി ബന്ധപ്പെട്ടു അടുത്തിടെ നൽകിയ അഭിമുഖത്തിലാണ് ഇക്കാര്യം വെളിപ്പെടുത്തിയത്.
കഴിഞ്ഞ കുറെ നാളുകളായി ദശരഥത്തിന്റെ രണ്ടാംഭാഗം മനസിലുണ്ട്. എന്നാൽ മോഹലാലിനെ കിട്ടുന്നില്ല. ഒരിക്കൽ കഥയുടെ ചുരുക്കം മോഹൻലാലിനോട് പറഞ്ഞിരുന്നു. എന്നാൽ കഥ പൂർണമായതിന് ശേഷം അദ്ദേഹത്തെ ബന്ധപ്പെടാൻ സാധിച്ചില്ല. തനിക്ക് വേണ്ടി പലരും ലാലിനോട് ഇക്കാര്യം സംസാരിച്ചു. എന്നാൽ അദ്ദേഹം ഒഴിഞ്ഞു മാറി- സിബി മലയിൽ പറഞ്ഞു.
എന്റെ കരിയറിലെ ഏറ്റവും വലിയ നഷ്ടമാണ് ആ ചിത്രം. നഷ്ടത്തിന്റെ ആഴം എനിക്ക് മാത്രമേ അറിയൂ. ഇനി ആ സിനിമ സംഭവിക്കില്ല. ലാലിന് എന്നെ ആവശ്യമുണ്ടെന്നു തോന്നുമ്പോൾ എന്റെയടുത്തേക്ക് വരാം- സംവിധായകൻ കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.