കെ.ജി. ജോർജ് സാർ ഒരു പാഠപുസ്തകം

ഒ​രി​ക്ക​ലും മ​റ​ക്കാ​ൻ ക​ഴി​യാ​ത്ത ഒ​രു പി​ടി ന​ല്ല ഓ​ർ​മ​ക​ളാ​ണ് എ​നി​ക്കും കെ.​ജി. ജോ​ർ​ജ് സാ​റി​നു​മി​ട​യി​ലു​ണ്ടാ​യി​രു​ന്ന​ത്. സ്വ​പ്നാ​ട​ന​മെ​ന്ന സി​നി​മ പു​റ​ത്തി​റ​ങ്ങി​യ ഉ​ട​ൻ​ത​ന്നെ അ​ടു​ത്ത സി​നി​മ​യു​ടെ ആ​ലോ​ച​ന​ക​ൾ​ക്കാ​യി എ​റ​ണാ​കു​ള​ത്തെ ഹോ​ട്ട​ലി​ൽ ക​ഴി​യ​വെ​യാ​ണ് അ​ദ്ദേ​ഹ​ത്തെ പ​രി​ച​യ​പ്പെ​ടു​ന്ന​ത്. ഞാ​ന​ന്ന് ചി​ത്ര പൗ​ർ​ണ​മി എ​ന്ന പേ​രി​ൽ സി​നി​മ വാ​രി​ക ന​ട​ത്തു​ക​യാ​യി​രു​ന്നു. അ​തി​ലേ​ക്ക് അ​ഭി​മു​ഖം എ​ടു​ക്കു​ന്ന​തി​നാ​ണ് അ​ദ്ദേ​ഹ​ത്തെ കാ​ണു​ന്ന​ത്. ആ ​സൗ​ഹൃ​ദം അ​ധി​കം വൈ​കാ​തെ ആ​ത്മ​ബ​ന്ധ​മാ​യി മാ​റി. പി​ന്നീ​ട് ഞാ​നും സി​നി​മ മേ​ഖ​ല​യി​ൽ സ​ജീ​വ​മാ​യ​തോ​ടെ ബ​ന്ധം കൂ​ടു​ത​ൽ ദൃ​ഢ​മാ​യി.

‘അ​നു​ഭ​വ​ങ്ങ​ളേ ന​ന്ദി’ എ​ന്ന എ​ന്‍റെ ആ​ദ്യ ക​ഥ ഐ.​വി. ശ​ശി സി​നി​മ​യാ​ക്കി​യെ​ങ്കി​ലും ഇ​ട​ക്ക് ​െവ​ച്ച് ബ്രേ​ക്കാ​യി. തൃ​പ്പൂ​ണി​ത്തു​റ​യി​ലു​ള്ള രാ​മ​ഭ​ദ്ര​ൻ ത​മ്പു​രാ​നാ​യി​രു​ന്നു നി​ർ​മാ​താ​വ്. അ​നു​ഭ​വ​ങ്ങ​ളേ ന​ന്ദി അ​ൽ​പം വൈ​കു​മെ​ന്ന് തോ​ന്നി​യ​പ്പോ​ൾ അ​ദ്ദേ​ഹ​ത്തി​ന് ഉ​ട​നെ മ​റ്റൊ​രു സി​നി​മ ചെ​യ്യ​ണ​മെ​ന്ന ആ​ഗ്ര​ഹം പ​റ​ഞ്ഞു. ഞാ​നാ​ണ് കെ.​ജി. ജോ​ർ​ജ് സാ​റി​നെ നി​ർ​ദേ​ശി​ച്ച​ത്. തു​ട​ർ​ന്നാ​ണ് രാ​പാ​ടി​ക​ളു​ടെ ഗാ​ഥ എ​ന്ന ചി​ത്രം പി​റ​ന്ന​ത്. പ​ത്മ​രാ​ജ​ന്‍റെ തി​ര​ക്ക​ഥ​യി​ൽ സോ​മ​നും വി​ധു​ബാ​ല​യു​മാ​യി​രു​ന്നു നാ​യി​കാ നാ​യ​ക​ന്മാ​ർ. അ​ത്​ സം​സ്ഥാ​ന​ത​ല​ത്തി​ൽ മി​ക​ച്ച ര​ണ്ടാ​മ​ത്തെ ചി​ത്ര​മാ​യി. ഈ ​സി​നി​മ​യോ​ടെ​യാ​ണ് ഞ​ങ്ങ​ളു​ടെ ബ​ന്ധം ദൃ​ഢ​മാ​കു​ന്ന​ത്. മാ​ക്ട ചെ​യ​ർ​മാ​നെ​ന്ന നി​ല​യി​ലും ഏ​റെ​നാ​ൾ ഒ​രു​മി​ച്ച് പ്ര​വ​ർ​ത്തി​ച്ചു.

തു​റ​ന്ന പു​സ്ത​ക​മാ​യി​രു​ന്നു അ​ദ്ദേ​ഹ​ത്തി​ന്‍റെ ജീ​വി​തം. വ​ലു​പ്പ ചെ​റു​പ്പ വ്യ​ത്യാ​സ​മി​ല്ലാ​തെ എ​ല്ലാ​വ​രോ​ടും ഒ​രേ രീ​തി​യി​ൽ ഇ​ട​പെ​ട്ടു. മ​റ്റു​ള്ള​വ​ർ​ക്ക് വ​ലി​യ പ്ര​ചോ​ദ​ന​മാ​യി​രു​ന്നു. ക​ലാ​കാ​ര​ന്മാ​രെ ആ​ദ​രി​ക്കു​ന്ന​തി​ലും പി​ശു​ക്ക് കാ​ണി​ച്ചി​ല്ല. ഇ​ത്ത​രം ഗു​ണ​ങ്ങ​ളാ​ണ് മ​ല​യാ​ള സി​നി​മ എ​ക്കാ​ല​വും സ്മ​രി​ക്കു​ന്ന മി​ക​ച്ചൊ​രു സം​വി​ധാ​യ​ക​നാ​ക്കി വ​ള​ർ​ത്തി​യ​ത്. സി​നി​മ മേ​ഖ​ല​യി​ലു​ള്ള​വ​ർ​ക്കും ഇ​നി വ​രാ​നു​ള്ള​വ​ർ​ക്കും പാ​ഠ​പു​സ്ത​ക​മാ​ണ​ദ്ദേ​ഹം.

പാട്ടുപാടാനെത്തിയ സൽമ ജീവിതസഖിയായി...

സി​നി​മ ജീ​വി​ത​ത്തി​നി​ടെ​യാ​ണ് ജീ​വി​ത​സ​ഖി​യെ​യും കെ.​ജി. ജോ​ർ​ജി​ന് ല​ഭി​ച്ച​ത്. സ്വ​പ്നാ​ട​ന​മെ​ന്ന ത​ന്‍റെ ചി​ത്ര​ത്തി​ൽ പാ​ട്ടു​കാ​രി​യാ​കാ​ൻ എ​ത്തി​യ സ​ൽ​മ​യെ​യാ​ണ് പി​ന്നീ​ട് അ​ദ്ദേ​ഹം വി​വാ​ഹം ക​ഴി​ച്ച​ത്. മ​ദ്രാ​സി​ല്‍ റോ​ഡി​ല്‍വെ​ച്ചാ​ണ് സ​ല്‍മ പാ​ടാ​ന്‍ അ​വ​സ​രം ചോ​ദി​ച്ച​ത്. അ​തി​ല്‍ ഉ​ണ്ടാ​യി​രു​ന്ന നാ​ലു​പാ​ട്ടും ക​ട്ട്​ ചെ​യ്തു പോ​യെ​ന്നും അ​ടു​ത്ത ചി​ത്ര​ത്തി​ലാ​ക​ട്ടെ​യെ​ന്നും മ​റു​പ​ടി ന​ൽ​കി. ര​ണ്ടാ​മ​ത്തെ സി​നി​മ​യാ​യ ‘ഓ​ണ​പ്പു​ട​വ’​യി​ല്‍ അ​വ​സ​രം ന​ൽ​കി.

പി​ന്നെ ‘ഉ​ള്‍ക്ക​ട​ലി’​ലും. ഈ ​പാ​ട്ടു​കാ​രി​യെ പി​ന്നീ​ട് ജീ​വി​ത​സ​ഖി​യാ​ക്കു​ക​യാ​യി​രു​ന്നു. സി​നി​മ​യി​ല്‍ ഗാ​നം അ​വ​ശ്യ​ഘ​ട​ക​മാ​യി തോ​ന്നി​യി​ട്ടി​ല്ലെ​ന്നാ​ണ് അ​ദ്ദേ​ഹം അ​ഭി​പ്രാ​യ​പ്പെ​ട്ടി​ട്ടു​ള്ള​ത്. പ​ക്ഷേ, യ​വ​നി​ക​യി​ലും ഉ​ള്‍ക്ക​ട​ലി​ലും അ​ത് ആ​വ​ശ്യ​മാ​യി​രു​ന്നു​വെ​ന്നും പ​റ​ഞ്ഞി​ട്ടു​ണ്ട്. ഉ​ൾ​ക്ക​ട​ലി​ലെ ‘ശ​ര​ദി​ന്ദു മ​ല​ർ​ദീ​പ​നാ​ളം നീ​ട്ടി’ എ​ന്ന ഗാ​നം ആ​ല​പി​ച്ച​ത് സ​ൽ​മ​യാ​ണ്.