ഛായാഗ്രഹകന്‍ രവി കെ. ചന്ദ്രന്‍ സംവിധാനം നിര്‍വ്വഹിച്ച് പൃത്വിരാജ് നായകനാവുന്ന ഭ്രമത്തിലെ 'മുന്തിരിപ്പൂവോ'എന്ന് തുടങ്ങുന്ന ഗാനത്തിെൻറ ലിറിക്കൽ വീഡിയോ പുറത്തിറങ്ങി. പൃത്വിരാജും റാഷി ഖന്നയും അഭിനയിച്ച ഗാനത്തിന് സംഗീതം നൽകി ആലപിച്ചിരിക്കുന്നത് ജെയ്ക്സ് ബിജോയാണ്. മിഥുൻ സുരേഷും ജെയ്ക്നൊപ്പം ഗാനത്തിന് ശബ്ദം നൽകിയിട്ടുണ്ട്.
ബി.കെ.ഹരിനാരായണേൻറതാണ് വരികൾ. ആയുഷ്മാൻ ഖുരാന മുഖ്യവേഷത്തിൽ അഭിനയിച്ച സൂപ്പർഹിറ്റ് ബോളിവുഡ് ചിത്രം 'അന്ധാദുനി'ന്‍റെ റീമേക്കാണ് ഭ്രമം. അന്ധനായി നടിക്കുന്ന ഒരു പിയാനിസ്റ്റിെൻറ ജീവിതത്തെക്കുറിച്ചുള്ള കഥയാണ് സിനിമ പറയുന്നത്.
എ. പി ഇന്‍റര്‍നാഷണലിന്‍റെ ബാനറില്‍ നിർമിക്കുന്ന ചിത്രത്തില്‍ ഉണ്ണി മുകുന്ദന്‍, മംമ്ത മോഹന്‍ദാസ്, ശങ്കര്‍, ജഗദീഷ്, സുധീര്‍ കരമന, സുരഭി ലക്ഷ്മി, അനന്യ എന്നിവരും വ്യത്യസ്ഥ വേഷത്തിലെത്തുന്നു. സിനിമ ഒക്ടോബർ 7ന് ആമസോൺ പ്രൈം വീഡിയോയിലൂടെ സ്ട്രീം ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.