ഭ്രമത്തിലെ ലിറിക്കൽ വീഡിയോ പുറത്തിറങ്ങി

ഛായാഗ്രഹകന്‍ രവി കെ. ചന്ദ്രന്‍ സംവിധാനം നിര്‍വ്വഹിച്ച്​ പൃത്വിരാജ്​ നായകനാവുന്ന ഭ്രമത്തിലെ 'മുന്തിരിപ്പൂവോ'എന്ന് തുടങ്ങുന്ന ഗാനത്തി​െൻറ ലിറിക്കൽ വീഡിയോ പുറത്തിറങ്ങി. പൃത്വിരാജും റാഷി ഖന്നയും അഭിനയിച്ച ഗാനത്തിന് സംഗീതം നൽകി ആലപിച്ചിരിക്കുന്നത് ജെയ്​ക്​സ്​ ബിജോയാണ്. മിഥുൻ സുരേഷും ജെയ്​ക്​നൊപ്പം ഗാനത്തിന് ശബ്ദം നൽകിയിട്ടുണ്ട്.

ബി.കെ.ഹരിനാരായണ​​േൻറതാണ്​ വരികൾ. ആയുഷ്​മാൻ ഖുരാന മുഖ്യവേഷത്തിൽ അഭിനയിച്ച സൂപ്പർഹിറ്റ്​ ബോളിവുഡ്​ ചിത്രം 'അന്ധാദുനി'ന്‍റെ റീമേക്കാണ്​ ഭ്രമം. അന്ധനായി നടിക്കുന്ന ഒരു പിയാനിസ്റ്റി​െൻറ ജീവിതത്തെക്കുറിച്ചുള്ള കഥയാണ് സിനിമ പറയുന്നത്.

എ. പി ഇന്‍റര്‍നാഷണലിന്‍റെ ബാനറില്‍ നിർമിക്കുന്ന ചിത്രത്തില്‍ ഉണ്ണി മുകുന്ദന്‍, മംമ്ത മോഹന്‍ദാസ്, ശങ്കര്‍, ജഗദീഷ്, സുധീര്‍ കരമന, സുരഭി ലക്ഷ്​മി, അനന്യ എന്നിവരും വ്യത്യസ്ഥ വേഷത്തിലെത്തുന്നു. സിനിമ ഒക്ടോബർ 7ന് ആമസോൺ പ്രൈം വീഡിയോയിലൂടെ സ്ട്രീം ചെയ്യും.