ആരാധകർക്ക് വിനായക ചതുർഥി ആശംസ നേർന്ന് താരങ്ങൾ. മോഹൻലാൽ, മമ്മൂട്ടി, പൃഥ്വിരാജ് തുടങ്ങിയവർ സോഷ്യൽ മീഡിയയിലൂടെയാണ് ആശംസ നേർന്നത്. മമ്മൂട്ടിയും പൃഥ്വിരാജും ഗണപതിയുടെ ചിത്രം പങ്കുവെച്ച് കൊണ്ടാണ് വിനായക ചതുർഥി ആശംസ നേർന്നത്.
തന്റെ ഏറ്റവും പുതിയ ചിത്രത്തിനോടൊപ്പം 'ഗണപതി ബപ്പാ മോറിയ, ഗണേശ ചതുർഥി ആശംസകൾ' എന്ന് കുറിച്ചുകൊണ്ടാണ് മോഹൻലാൽ ചതുർഥി ആശംസ നേർന്നിരിക്കുന്നത്. തിരിച്ച് തങ്ങളുടെ പ്രിയപ്പെട്ട താരങ്ങൾക്ക് ആരാധകരും ആശംസ അറിയിച്ചിട്ടുണ്ട്.
നിലവിൽ ഷൂട്ടിംങ് തിരക്കിലാണ് താരങ്ങൾ. ബി . ഉണ്ണികൃഷ്ണൻ സംവിധാനം ചെയ്യന്ന ക്രിസ്റ്റഫറിലാണ് മമ്മൂട്ടി ഇപ്പോൾ അഭിനയിക്കുന്നത്. പൊലീസ് ഗെറ്റപ്പിലാണ് മെഗാസ്റ്റാർ എത്തുന്നത്. ഷാജി കൈലാസ് സംവിധാനം ചെയ്യുന്ന 'കാപ്പ' ആണ് പൃഥ്വിരാജിന്റെ ചിത്രം. ജീത്തു ജോസഫ് സംവിധാനം ചെയ്യുന്ന റാമിലാണ് മോഹൻലാൽ ഇപ്പോൾ അഭിനയിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.