അഭയകേന്ദ്രത്തിലെ കുഞ്ഞുങ്ങൾക്കൊപ്പം പിറന്നാൾ ആഘോഷിച്ച് മോഹൻലാൽ. ഹം(HUM) ഫൗണ്ടേഷൻ നടത്തുന്ന ഷെൽട്ടർ ഹോമായ ഏഞ്ചൽസ് ഹട്ടിലെ കുഞ്ഞുങ്ങൾക്കൊപ്പമാണ് പിറന്നാൾ ആഘോഷിച്ചത്. കേക്ക് മുറിക്കുന്നതിന്റെയും കുട്ടികൾക്ക് സമ്മാനങ്ങൾ നൽകുന്നതിനൻറെയും ചിത്രങ്ങൾ മോഹൻലാൽ സോഷ്യൽമീഡിയ പേജിൽ പങ്കുവെച്ചിട്ടുണ്ട്. 'കൊച്ചു മാലാഖമാരുടെ അനുഗ്രഹങ്ങളോടെ ഒരു എളിയ ജന്മദിന ആഘോഷം', എന്ന് കുറിച്ചുകൊണ്ടാണ് ചിത്രങ്ങൾ പോസ്റ്റ് ചെയ്തത്.
നിലവിൽ ലിജോ ജോസ് പെല്ലിശ്ശേരി സംവിധാനം ചെയ്യുന്ന മലൈക്കോട്ടൈ വാലിബന്റെ ചിത്രീകരണ തിരക്കിലാണ് നടനിപ്പോൾ. ചെന്നൈയിലാണ് ചിത്രീകരണം നടക്കുന്നത്. ചിത്രത്തിന്റെ ആദ്യ ഷെഡ്യൂൾ രാജസ്ഥാനിൽ പൂർത്തിയായിട്ടുണ്ട്.
ജീത്തു ജോസഫിന്റെ റാം ആണ് പ്രേക്ഷകർ ആകാംക്ഷയോടെ കാത്തിരിക്കുന്ന മറ്റൊരു മോഹൻലാൽ ചിത്രം. റാമിന്റെ അവസാന ഷെഡ്യൂൾ പൂർത്തിയാക്കാനുണ്ട്. തെന്നിന്ത്യൻ താരം തൃഷയാണ് നായിക. ദുർഗ കൃഷ്ണ, അനൂപ് മേനോൻ, സായ് കുമാർ, വിനയ് ഫോർട്ട്, ഇന്ദ്രജിത്ത് എന്നിവരാണ് ചിത്രത്തിലെ മറ്റു താരങ്ങൾ. എമ്പുരാൻ, വൃഷഭ, ഭദ്രൻ ചിത്രം, അനൂപ് സത്യൻ സിനിമ, ടിനു പാപ്പച്ചൻ സിനിമ എന്നിവയാണ് താരത്തിന്റെ മറ്റു ചിത്രങ്ങൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.