മോഹൻലാലിനെ മുഖ്യകഥാപാത്രമാക്കി വൈശാഖ് സംവിധാനം െചയ്യുന്ന പുതിയ ചിത്രം 'മോൺസ്റ്ററിന്‍റെ' ഫസ്റ്റ്ലുക്ക് പോസ്റ്റർ പുറത്തുവിട്ടു. ട്വിറ്ററിലൂടെ മോഹൻലാലാണ് പോസ്റ്റർ പുറത്തുവിട്ടത്.
പുലിമുരുകൻ ടീം ഒരുക്കുന്ന ചിത്രത്തിൽ ലക്കി സിങ് എന്ന കഥാപാത്രത്തെയാണ് മോഹൻലാൽ അവതരിപ്പിക്കുക. ടർബൻ ധരിച്ച മോഹൻലാലിന്‍റെ ചിത്രമാണ് പോസ്റ്ററിൽ.
ആഷിർവാദ് സിനിമാസിന്‍റെ ബാനറിൽ ആന്‍റണി പെരുമ്പാവൂരാണ് ചിത്രത്തിന്‍റെ നിർമാണം. ഉദയകൃഷ്ണയാണ് തിരക്കഥ ഒരുക്കുന്നത്. പുലിമുരുകന്‍റെ വിജയത്തിന് ശേഷം അതേ ടീം ഒന്നിക്കുന്നതോടെ പ്രതീക്ഷയിലാണ് ആരാധകർ.
മോഹൻലാലിന്‍റെ മരക്കാർ അറബിക്കടലിന്‍റെ സിംഹമാണ് അടുത്തതായി പുറത്തിറങ്ങാനുള്ള ചിത്രം. ഒ.ടി.ടി പ്ലാറ്റ്ഫോമിലൂടെയാണ് ചിത്രം പുറത്തിറക്കുകയെന്ന് അണിയറപ്രവർത്തകർ അറിയിച്ചിരുന്നു.
പൃഥ്വിരാജ് സംവിധാനം ചെയ്യുന്ന ബ്രോ ഡാഡി, ബി. ഉണ്ണികൃഷ്ണന്‍റെ ആറാട്ട്, ഷാജി കൈലാസിന്‍റെ എേലാൺ, ജിത്തു ജോസഫിന്‍റെ 12ത്ത് മാൻ തുടങ്ങിയവയാണ് മോഹൻലാലിന്‍റെ പുറത്തുവരാനുള്ള മറ്റു ചിത്രങ്ങൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.