സൂപ്പർ ഹിറ്റായ ദൃശ്യത്തിെൻറ രണ്ടാം ഭാഗമായ ദൃശ്യം 2വിെൻറ റീൽ കാർഡ് പങ്കുവച്ച് നടൻ മോഹൻലാൽ. ട്രെയിലറിലെ ദൃശ്യമാണ് റീൽ കാർഡിൽ കാണുന്നത്. ജനുവരി ഒന്നിന് പുതുവത്സര ദിനത്തിൽ ദൃശ്യം 2 ടീസർ നിങ്ങളിലേക്ക് എത്തുമെന്നും അദ്ദേഹം കുറിച്ചു.
'വർഷങ്ങൾക്ക് മുൻപ്, ഡബ്ബിങ് സ്റ്റുഡിയോയുടെ മോണിറ്ററിൽ ഇതുപോലൊരു റീൽ കാർഡ് ഞാൻ കണ്ടു. പിന്നീട് നടന്നത് നിങ്ങൾക്കും എനിക്കും അറിയാവുന്ന ചരിത്രം. ഇന്ന് ഈ ഡിസംബർ 19ന് ദൃശ്യം നിങ്ങളിലേക്കെത്തിയിട്ട് ഏഴ് വർഷം തികയുന്ന ദിവസം നിങ്ങളിലേക്ക് ഒരു റീൽ കാർഡ് കൂടെ, ദൃശ്യം 2 ടീസറിെൻറ. കാത്തിരിക്കാൻ ഇനി കുറച്ചു നാളുകൾ കൂടെ. ജനുവരി ഒന്നിന് പുതുവത്സര ദിനത്തിൽ ദൃശ്യം 2 ടീസർ നിങ്ങളിലേക്ക്'-മോഹൻലാൽ ഫേസ്ബുക്കിൽ കുറിച്ചു.
ആശീർവാദ് സിനിമാസിന്‍റെ ബാനറിൽ ആന്‍റണി പെരുമ്പാവൂർ തന്നെയാണ് സിനിമയുടെ രണ്ടാം ഭാഗവും നിർമിക്കുന്നത്. ജീത്തു ജോസഫാണ് രചനയും സംവിധാനവും. ഒരു ദുരന്തത്തിൽ നിന്നും കുടുംബത്തെ രക്ഷിച്ച ജോർജുകുട്ടിയുടേയും കുടുംബത്തിന്‍റെയും പിന്നിടുള്ള ജീവിതമാണ് ദൃശ്യം- 2വിലൂടെ പറയുന്നത്. 2013ലാണ് ദൃശ്യം പുറത്തിറങ്ങുന്നത്. മലയാളത്തിലെ ഏറ്റവുംവലിയ പണംവാരി ചിത്രങ്ങളിലൊന്നാണിത്. തമിഴ്, ഹിന്ദി, തെലുങ്ക്, കന്നട, സിംഹള, ചൈനീസ് തുടങ്ങിയ ഭാഷകളിലേക്കും സിനിമ റീമേക്ക് ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.