ഹൈദരാബാദ്: പവന്‍ കല്ല്യാണ്‍ നായകനാവുന്ന പുതിയ ചിത്രം 'ഹരി ഹര വീരമല്ലു'വിന്‍റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. മെഗാ സൂര്യ പ്രൊഡക്ഷന്‍സ് ബാനറില്‍് എ.എം രത്‌നം നിര്‍മ്മിക്കുന്ന ചിത്രം സംവിധാനം ചെയ്യുന്നത് കൃഷ് ജഗര്‍ലമുടിയാണ്.
പീരീഡ് മൂവിയായി ഒരുങ്ങുന്ന ഹരി ഹര വീരമല്ലു പതിനേഴാം നൂറ്റാണ്ടില്‍ മുഗള്‍, ഖുതുബ് ഷാഹിസ് കാലഘട്ടത്തിന്റെ പശ്ചാത്തലത്തിലാണ് ഒരുങ്ഹുന്നത്. ചാര്‍മിനാര്‍, റെഡ് ഫോര്‍ട്ട്, മച്ചിലിപട്ടണം പോര്‍ട്ട് തുടങ്ങിയവയുടെ വലിയ സെറ്റുകളാണ് ചിത്രത്തിനായി ഒരുങ്ങുന്നത്.
നിധി അഗര്‍വാള്‍ ആണ് ചിത്രത്തിലെ നായിക. എം.എം കീരവാനി, ജ്ഞാന ശേഖര്‍ വി.എസ് എന്നിവര്‍ സംഗീതവും ക്യാമറയും കൈകാര്യം ചെയ്യുന്നു.തെലുങ്കിനൊപ്പം ഹിന്ദി, തമിഴ്, കന്നഡ, മലയാളം ഭാഷകളിലും ചിത്രം റിലീസ് ചെയ്യും.
എഡിറ്റര്‍ ശ്രാവന്‍, സംഭാഷണം സായ് മാധവ് ബുറ, പ്രൊഡക്ഷന്‍ ഡിസൈനര്‍ രാജീവന്‍, സ്റ്റണ്ട് രാം-ലക്ഷ്മണ്‍, ശ്യാം കൗശല്‍, ദിലീപ് സുബ്ബാരായണ്‍, കോസ്റ്റ്യൂം ഡിസൈനര്‍ ഐശ്വര്യ രാജീവ്, പി.ആര്‍.ഒ ആതിര ദില്‍ജിത്ത്. എന്നിവരാണ്. ചിത്രം 2022 സംക്രാന്തിക്ക് റിലീസ് ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.