തലൈവർക്കൊപ്പം ചിത്രവുമായി സംവിധായകൻ ലോകേഷ് കനകരാജ്. രജനികാന്തിന്റെ 171ാം മത്തെ ചിത്രമാണ് ലോകേഷ് സംവിധാനം ചെയ്യുന്നത്.നിർമാതാക്കളായ സൺ പിക്ചേഴ്സാണ് ഇക്കാര്യം ഒദ്യോഗികമായി അറിയിച്ചിരിക്കുന്നത്. സംവിധായകൻ ലോകേഷ് തന്നെയാണ് സിനിമയുടെ തിരക്കഥയും തയാറാക്കുന്നത്.
അനിരുദ്ധാണ് തലൈവർ 171 ന്റെ സംഗീത സംവിധാനം നിർവഹിക്കുന്നത്. അൻപറിവാണ് ആക്ഷൻ രംഗങ്ങൾ ഒരുക്കുന്നത്. സിനിമയിലെ മറ്റു താരങ്ങളെ കുറിച്ചുള്ള വിവരങ്ങൾ പുറത്തുവിട്ടിട്ടില്ല. വരും ദിവസങ്ങളിൽ തന്നെ പുറത്തുവരുമെന്നാണ് സൂചന. ലോകേഷ് കനകരാജ്- രജനി ചിത്രത്തിനായി ആകാംക്ഷയോടെ കാത്തിരിക്കുകയാണ് ആരാധകർ.
രജനികാന്ത്- നെൽസൺ കൂട്ടുകെട്ടിലൊരുങ്ങി ജയിലർ വൻ വിജയമായിരുന്നു. ആഗസ്റ്റ് 10 തിയറ്ററുകളിൽ എത്തിയ ചിത്രം കോളിവുഡിൽ പുതിയ ചരിത്രം സൃഷ്ടിച്ചിട്ടുണ്ട്. ആഗസ്റ്റ് 25 വരെയുള്ളകണക്ക് പ്രകാരം 525 കോടിയാണ് ചിത്രം സ്വന്തമാക്കിയിരിക്കുന്നത്. കൂടതെ ചിത്രം ഒ.ടി.ടിയിലും എത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.