വിനായക് ദാമോദർ സവർക്കറുടെ ജീവിതത്തെ ആസ്പദമാക്കി മഹോഷ് മഞ് ജ്രേക്കർ സംവിധാനം ചെയ്യുന്ന ചിത്രമാണ് സ്വതന്ത്ര വീർ സവർക്കർ. ഹൈവേ, സരബ്ജിത്ത് തുടങ്ങിയ ചിത്രങ്ങളിലൂടെ പ്രേക്ഷകരുടെ ഇടയിൽ ശ്രദ്ധിക്കപ്പെട്ട രൺദീപ് ഹൂഡയാണ് സിനിമയിൽ സവർക്കറായി എത്തുന്നത്. ഇപ്പോഴിതാ നടന്റെ രൂപമാറ്റം പ്രേക്ഷകരുടെ ഇടയിൽ ചർച്ചയാവുകയാണ്.
കഥാപാത്രത്തിനായി 18 കിലോ ഭാരമാണ് നടൻ കുറച്ചിരിക്കുന്നത്. ഇനിയും ഭാരം കുറക്കുമെന്ന് ബോംബെ ടൈംസിന് നൽകിയ അഭിമുഖത്തിൽ നടൻ പറഞ്ഞു. കൂടാതെ സവര്‍ക്കറെ അവതരിപ്പിക്കാൻ കഴിഞ്ഞതിൽ സന്തോഷമുണ്ടെന്നും നടൻ കൂട്ടിച്ചേർത്തു. ഇന്ത്യൻ സ്വാതന്ത്ര്യ സമരത്തിന്റെ മറ്റൊരു തലമാണ് ചിത്രത്തിലൂടെ പറയുന്നതെന്ന് അണിയറ പ്രവർത്തകർ പറഞ്ഞു.
ആനന്ദ് പണ്ഡിറ്റ്, സന്ദീപ് സിങ്, സാം ഖാൻ എന്നിവരാണ് ചിത്രം നിർമിക്കുന്നത്. ലണ്ടൻ, മഹാരാഷ്‍ട്ര, ആൻഡമാൻ എന്നിവിടങ്ങളിലെ വിവിധ ലൊക്കേഷനുകളിലാണ് ചിത്രത്തിന്റെ ഷൂട്ടിങ് നടക്കുക. സവര്‍ക്കറുടെ 138-ാം ജന്മവാര്‍ഷിക ദിനത്തിലായിരുന്നു സിനിമയുടെ പ്രഖ്യാപനം.സംവിധായകൻ മഹേഷ് മഞ്ജ്‍രേക്കറും റിഷി വിർമാനിയും ചേർന്നാണ് സിനിമയുടെ തിരക്കഥ ഒരുക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.