തൃപ്പൂണിത്തുറ: ദേശീയ ചലച്ചിത്ര പുരസ്‌കാര പ്രഖ്യാപനത്തില്‍ മികച്ച സംവിധായകനായി സച്ചിയെ തെരഞ്ഞെടുക്കപ്പെട്ടതില്‍ ഒത്തിരി സന്തോഷമുണ്ടെന്ന് സച്ചിയുടെ ഭാര്യ ബിജി സച്ചി. അര്‍ഹിച്ച അംഗീകാരമാണ് ലഭിച്ചത്. സച്ചിയെയും സച്ചിയുടെ സിനിമയെയും ഇന്ത്യ മുഴുവന്‍ അംഗീകരിച്ചതിന്റെ തെളിവാണ് ഈ സിനിമയെന്നും അവര്‍ 'മാധ്യമ'ത്തോട് പറഞ്ഞു.
ഇനി ഒരു അവാര്‍ഡിന് അവസരമില്ലല്ലോ എന്നോര്‍ക്കുമ്പോള്‍ സന്തോഷം ലഭിക്കുന്ന വേളയിലും ഒരു പാട് സങ്കടമുണ്ടെന്നും അവര്‍ പറഞ്ഞു. നഞ്ചിയമ്മയ്ക്ക് മികച്ച പിന്നണി ഗായികയ്ക്കു അവാര്‍ഡു കിട്ടിയത്, നഞ്ചിയമ്മയെ ലോകം മുഴുവന്‍ അറിയപ്പെടുമെന്ന് സച്ചി എപ്പോഴും പറയുമായിരുന്നുവെന്നും അവര്‍ ഓര്‍മിച്ചു.
സച്ചിയുടെ എല്ലാ കഥകളും സിനിമയായി വരും അതിനുള്ള ശ്രമങ്ങള്‍ നടന്നുകൊണ്ടിരിക്കുകയാണ്. സച്ചിയുടെ സുഹൃത്തുക്കളും നിരവധി സിനിമാ പ്രവര്‍ത്തകരും വിളിച്ച് സന്തോഷവാര്‍ത്ത അറിയിക്കുന്നുണ്ടെന്നും അവര്‍ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.