കൊച്ചി: യു.എ.ഇയിൽ നടക്കുന്ന ട്വന്‍റി 20 ലോകകപ്പിൽ കളിക്കുന്ന ഇന്ത്യൻ ടീമിന് ആശംസയേകി സംഗീത സംവിധായകൻ സുമേഷ് കൂട്ടിക്കൽ ഒരുക്കിയ തീം സോങ് ശ്രദ്ധേയമാകുന്നു. കേരള ക്രിക്കറ്റ് അസോസിയേഷന്‍റെ സഹകരണത്തോടെ പുറത്തിറക്കിയ 'ഇന്ത്യ വിൽ കം ബാക്ക്' എന്ന സംഗീത ആൽബം വെർജിൻ കൊയിൻ ഗ്രൂപ്പ് ആണ് നിർമ്മിച്ചിരിക്കുന്നത്.
'ഇന്ത്യ എന്നാ സുമ്മാവാ, ക്രിക്കറ്റ് എന്നാൽ ഭ്രാന്താടാ...' എന്ന് തുടങ്ങുന്ന പാട്ടിൽ കോഹ്ലി, ബുംറ, അശ്വിൻ തുടങ്ങി ഇന്ത്യൻ ടീമിലെ താരങ്ങളെയെല്ലാം പരാമർശിച്ചുപോകുന്നുണ്ട്. ട്വന്‍റി 20 ലോകകപ്പിൽ പുറത്താക്കലിന്‍റെ വക്കിലെത്തി നിൽക്കുന്ന ഇന്ത്യൻ ടീമിന് ആത്മവിശ്വാസമേകി, 'തോറ്റുപോയെങ്കിൽ നിങ്ങൾ തളരരുത്. കാരണം, തോൽവി എന്നാൽ അറിവിന്‍റെ ആദ്യപാഠമാണ്' എന്ന മുൻ രാഷ്ട്രപതി ഡോ. എ.പി.ജെ അബ്ദുൽ കലാമിന്‍റെ വാക്കുകളോടെയാണ് പാട്ട് തുടങ്ങുന്നത്.
സിനിമാതാരങ്ങളായ മീനാക്ഷി അനൂപ്, അരുൺ ചന്ദ്രശേഖർ എന്നിവർക്കൊപ്പം സുമേഷ് കൂട്ടിക്കലും ആൽബത്തിൽ അഭിനയിച്ചിട്ടുണ്ട്. കണ്ണൻ സുധാകരൻ രചിച്ച ഗാനം ജിതേഷ് ബാലകൃഷ്ണനാണ് ആലപിച്ചിരിക്കുന്നത്. സംവിധാനവും കൊറിയോഗ്രാഫിയും നിർവഹിച്ചിരിക്കുന്നത് നിഥിൻ വക്കച്ചൻ ആണ്. കാമറ- ദേവൻ എം.ടി, ഗോകുൽ നന്ദകുമാർ, എഡിറ്റിങ്- അനന്ദു എസ്. വിജയ്, റെക്കോർഡിങും മിക്സിങും- ജിേന്‍റാ ജോൺ. കോട്ടയം സിദ്ധി ഡാൻസ് സ്റ്റുഡിയോ, ജെ.വി ഡാൻസ് അക്കാദമി എന്നിവിടങ്ങളിലെ നർത്തകരാണ് ആൽബത്തിൽ അണിനിരക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.