യൂട്യൂബിലൂടെ മലയാളികളുടെ ഏറ്റവും പ്രിയപ്പെട്ട കണ്ടന്‍റ് ക്രിയേറ്റർമാരായി മാറിയ കരിക്ക് നെറ്റ്ഫ്ലിക്സിലും അരങ്ങേറ്റം കുറിക്കുന്നു. തേരാപാര എന്ന വെബ് സീരീസായിരുന്നു കരിക്കിനെ ജനപ്രിയമാക്കിയത്. പിന്നാലെ വിവിധ പേരുകളിൽ പല വെബ് സീരീസുകളും വിഡിയോ കണ്ടന്‍റുകളും അവർ യൂട്യൂബിൽ റിലീസ് ചെയ്തിരുന്നു. നെറ്റ്ഫ്‌ളിക്‌സില്‍ കരിക്ക് ആദ്യമായി അവതരിപ്പിക്കുന്നത് 'റിപ്പര്‍' എന്ന പേരിലുള്ള സ്‌കെച്ച് വീഡിയോയാണ്. ഏപ്രിൽ മൂന്നാം തീയതി രാവിലെ 11 മണിക്കാണ് വിഡിയോ റിലീസ് ചെയ്യുക.
സമൂഹ മാധ്യമ പേജുകളിലൂടെയാണ് കരിക്ക് പുതിയ പ്രഖ്യാപനം നടത്തിയത്. അനു കെ അനിയന്‍, ജീവന്‍ സ്റ്റീഫന്‍, അര്‍ജുന്‍ രത്തന്‍, ശബരീഷ് സജിന്‍, കിരണ്‍ വിയ്യത്ത് എന്നിവരടങ്ങിയ പോസ്റ്ററും അവർ പങ്കുവെച്ചിട്ടുണ്ട്. ത്രില്ലർ സ്വഭാവത്തിലുള്ള കോമഡി വിഡിയോ ആയിരിക്കും റിപ്പർ എന്നാണ് സൂചന. നെറ്റ്ഫ്ലിക്സ് കൂടാതെ യൂട്യൂബിലും ഇൻസ്റ്റഗ്രാമിന്‍റെ ഐജി ടിവിയിലും റിപ്പർ റിലീസ് ചെയ്തേക്കും.
We extremely happy to announce our collaboration with Netflix for a sketch video titled 'RIPPER' which will be released on Netflix YouTube/IGTV/ FB on April 3rd at 11 am.
Posted by Karikku on Wednesday, 31 March 2021
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.