മനാമ: ‘ഫാഷിസം ഒച്ചയെടുക്കുന്ന കാലത്ത് നമുക്ക് സ്നേഹം സംസാരിക്കാം’ എന്ന സന്ദേശവുമായി ‘യൂത്ത് ഇന്ത്യ’ ഫാഷിസത്തിനെതിരെ നടത്തുന്ന പ്രതിഷേധ ആവിഷ്കാര കൂട്ടായ്മ ഇന്ന് നടക്കും.
വൈകിട്ട് 6 മണിക്ക് മനാമ പാകിസ്ഥാന്‍ ക്ളബ്ബില്‍ നടക്കുന്ന പരിപാടിയില്‍ വര, കവിത, ചര്‍ച്ച, ‘തിരസ്കാര സെല്‍ഫി’ തുടങ്ങിയ വൈവിധ്യമാര്‍ന്ന പ്രതിഷേധ പരിപാടികളാണ് ഒരുക്കുന്നത്. ഇന്ത്യയുടെ ബഹുസ്വര,ജനാധിപത്യ,മതേതര മൂല്യങ്ങള്‍ക്ക് ഫാഷിസം കനത്ത വെല്ലുവിളിയാണ് ഉയര്‍ത്തുന്നത്.
പിന്നാക്ക, ന്യൂപനക്ഷ, ദലിത് സമൂഹങ്ങളുടെ സാംസ്കാരിക തനിമകളും വൈവിധ്യങ്ങളും ചോദ്യം ചെയ്ത് അവരെ അപരസ്ഥാനത്ത് നിര്‍ത്തുന്നതിലൂടെ വര്‍ഗീയ ധ്രുവീകരണം നടത്തുകയാണ്. ഇതിനെതിരെ നിലകൊണ്ട പലരും കൊലചെയ്യപ്പെട്ടു കഴിഞ്ഞു. ഈ സാഹചര്യത്തില്‍ ഫാഷിസത്തിനെതിരായ വിപുലമായ മുന്നണികള്‍ ഉയര്‍ന്നു വരേണ്ടതുണ്ടെന്ന് ഭാരവാഹികള്‍ പറഞ്ഞു.
സോളിഡാരിറ്റി യൂത്ത് മൂവ്മെന്‍റ് സംസ്ഥാന പ്രസിഡന്‍റ് ടി.ശാക്കിര്‍ വേളം ഓണ്‍ലൈന്‍ വഴി ഉദ്ഘാടനം നടത്തുന്ന പരിപാടിയില്‍ ബഹ്റൈനിലെ പ്രമുഖര്‍ പങ്കെടുക്കും. കൂടുതല്‍ വിവരങ്ങള്‍ക്ക് 39402565, 35598694, 36992879 എന്നീ നമ്പറുകളില്‍ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.