അൽഹിദായ സെന്റർ മലയാള വിഭാഗം സംഘടിപ്പിച്ച വിജ്ഞാന സദസ്സിൽ നിന്ന്
മനാമ: പ്രബോധനപ്രവർത്തനങ്ങളുടെ ഭാഗമായി അൽഹിദായ സെന്റർ മലയാള വിഭാഗം സംഘടിപ്പിച്ചുവരുന്ന വിജ്ഞാന സദസ്സിൽ ‘അല്ലാഹുവിന്റെ ഇഷ്ടം ലഭിക്കാൻ’ എന്ന വിഷയത്തെ അധികരിച്ച് ഉസ്താദ് ഷഫീഖ് സ്വലാഹി പ്രഭാഷണം നടത്തി. ഹിദ് അൽ ഹിദായ മദ്റസയിൽ നടന്ന പരിപാടിയിൽ തങ്ങളുടെ പ്രവർത്തനങ്ങളിൽ സൂക്ഷ്മത പുലർത്തുന്നവരെയും തെറ്റുകൾ സംഭവിച്ചാൽ പ്രായശ്ചിത്തം പതിവാക്കിയവരെയും നന്മകൾ കൽപിക്കുകയും തിന്മ വിരോധിക്കുകയും ചെയ്യുന്നവരെയും മനഃശുദ്ധിയോടൊപ്പം ശരീരശുദ്ധിയും കാക്കുന്നവരെയും പ്രപഞ്ചനാഥൻ ഇഷ്ടപ്പെടുമെന്നും അത്തരക്കാരുടെ കൂട്ടത്തിൽ ഉൾപ്പെടാൻ നാം ശ്രദ്ധിക്കണമെന്നും അദ്ദേഹം ഉദ്ബോധിപ്പിച്ചു. സക്കീർ ഹുസൈൻ, ഫൈസൽ, നിഷാദ്, ഫവാസ്, ഫഹദ് എന്നിവർ പരിപാടികൾ നിയന്ത്രിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.