ബഹ്റൈനിൽ സ്​റ്റോറുകളിലും സൂപ്പർമാർക്കറ്റുകളിലും ഒരു മീറ്റർ അകലം പാലിക്കണം

മനാമ: കോവിഡ്​ -19 രോഗബാധയുടെ പശ്​ചാത്തലത്തിൽ ചില്ലറ വിൽപന ശാലകൾക്കും സൂപ്പർ മാർക്കറ്റുകൾക്കുമായി ആരോഗ്യ മന്ത്രാലയം മാർഗ നിർദേശങ്ങൾ പുറപ്പെടുവിച്ചു.

1. ക്യൂ നിൽക്കു​േമ്പാൾ ആളുകൾ തമ്മിൽ ഒരു മീറ്റർ അകലം പാലിക്കണം. ഇക്കാര്യം സൂചിപ്പിച്ച്​ തറയിൽ സ്​റ്റിക്കർ പതിക്കണം.
2. ഒാൺലൈൻ ഷോപ്പിങ്ങിന്​ ആളുകളെ പ്രേരിപ്പിക്കണം. പിക്കപ്പ്​ സർവീസ്​, ഡെലിവറി എന്നിവയും ഒരുക്കണം.
3. ഒാരോ ഷിഫ്​റ്റും തുടങ്ങുന്നതിന്​ മുമ്പ്​ സ്​റ്റോർ ജീവനക്കാരുടെ ശരീര ഉൗഷ്​മാവ്​ പരിശോധിക്കണം. ശരീരോഷ്​മാവ്​ 37.5 ഡിഗ്രി സെൽഷ്യസിന്​ മുകളിലാണെങ്കിൽ ജോലി ചെയ്യാൻ അനുവദിക്കരുത്​.
4. ആളുകൾ അധികമായി വാങ്ങുന്ന സാധനങ്ങൾ എളുപ്പത്തിൽ എടുക്കാവുന്ന വിധത്തിൽ വെക്കണം.
5. അത്യാവശ്യ വസ്​തുക്കൾക്കായി ഒന്നോ അതിലധികമോ വിഭാഗങ്ങൾ തുടങ്ങാൻ ശ്രമിക്കണം. എല്ലാവരും എല്ലായിടത്തും കയറി ഇറങ്ങുന്നത്​ ഒഴിവാക്കാനാണ്​ ഇത്​.
6. ആളുകൾ ഇടകലർന്ന്​ നടക്കുന്നത്​ ഒഴിവാക്കാൻ ഷോപ്പിനകത്ത്​ വൺവേ മാർഗം തിരിച്ചറിയാൻ തറയിൽ അടയാളങ്ങൾ പതിക്കണം.
7. പ്രവേശന കവാടത്തിലും അകത്തും ഹാൻഡ്​ സാനിറ്റൈസർ സൂക്ഷിക്കണം.
8. കുറച്ച്​ പേർ മാത്രം എത്തുന്ന സ്​റ്റോറുകളിൽ ആളുകളെ പുറത്ത്​ നിർത്തി ഒാർഡർ എടുത്ത്​ സാധനങ്ങൾ പുറത്ത്​ കൊടുക്കണം.
9. സ്​റ്റോറിലെ കാഷ്യർ, ബാഗർ ഉൾപ്പെടെ ജീവനക്കാർ ഫേസ്​മാസ്​ക്കും പ്ലാസ്​റ്റിക്​ ഗ്ലൗസും ധരിക്കണം.
10. സാധിക്കുന്നിടത്തോളം ക്യാഷ്​ പേയ്​മ​െൻറ്​ ഒഴിവാക്കി ഇലക്​ട്രോണിക്​ പേയ്​മ​െൻറ്​ നടത്തുക.
11. ഒാരോ തവണ ഉപയോഗത്തിനുശേഷം സ്​റ്റോർ ജീവനക്കാർ ഷോപ്പിങ്​ കാർട്ടും ബാസ്​ക്കറ്റുകളും ശുചിയാക്കണം.
12. ഒരു സമയത്ത്​ അനുവദിക്കാവുന്ന കസ്​റ്റമേഴ്​സി​​െൻറ എണ്ണം പരിമിതപ്പെടുത്തുന്നത്​ പരിഗണിക്കണം.