മനാമ: രാജ്യത്തെ പൗരൻമാരുടെ ആവശ്യങ്ങൾ നിറവേറ്റാനും സർക്കാർ സേവനം മികച്ച രീതിയിൽ എത്തിക്കാനും ഗവൺമെൻറ് ഉറപ്പ ുവരുത്തിയിട്ടുണ്ടെന്ന് പ്രധാനമന്ത്രി പ്രിൻസ് ഖലീഫ ബിൻ സൽമാൻ ആൽ ഖലീഫ പറഞ്ഞു. തന്നെ സന്ദർശിച്ച രാജകുടുംബാംഗങ്ങളെയും ഒൗദ്യാഗിക രംഗത്തുള്ള പ്രമുഖരെയും പൗരപ്രമുഖൻമാരെയും സ്വീകരിച്ച് സംസാരിക്കുകയായിരുന്നു അദ്ദേഹം. വിവിധ മേഖലകളിൽ സേവനം അനുഷ്ഠിക്കുന്ന പൗരൻമാരുടെ സമർപ്പിത മനോഭാവത്തെ പ്രധാനമന്ത്രി പ്രശംസിച്ചു. ഗുദൈബിയ കൊട്ടാരത്തിലായിരുന്നു പൗരപ്രമുഖൻമാരുമായുള്ള കൂടിക്കാഴ്ച. ചർച്ചയിൽ നിരവധി പ്രാദേശിക വിഷയങ്ങളും കടന്നുവന്നു. ദേശീയ സമ്പത് വ്യവസ്ഥയെ കൂടുതൽ പിന്തുണക്കുകയും വൈവിദ്ധ്യവത്ക്കരിക്കുകയും ചെയ്യുന്നതിനാണ് ഗവൺമെൻറ് കൂടുതൽ പരിശ്രമിക്കുന്നതെന്ന് പ്രധാനമന്ത്രി വ്യക്തമാക്കി. പൗരൻമാർക്ക് നൽകുന്ന സേവനങ്ങളുടെ ഗുണനിലവാരം മെച്ചപ്പെടുത്തുന്നതിനും അവരുടെ ജീവിതനിലവാരം വർധിപ്പിക്കുന്നതിനും ഗവൺമെൻറിെൻറ നടപടികൾ സഹായകരമാകുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.