മനാമ: ചെച്നിയന്‍ പ്രസിഡൻറ് റമദാന്‍ അഹ്മദ് ഖദിറോവുമായി യുവജന-കായിക കാര്യങ്ങ ള്‍ക്കായുള്ള ഹമദ് രാജാവിെൻറ പ്രത്യേക പ്രതിനിധിയും ദേശീയ സുരക്ഷ സമിതി ഉപദേഷ്ടാവ ുമായ ശൈഖ് നാസിര്‍ ബിന്‍ ഹമദ് ആല്‍ ഖലീഫ കൂടിക്കാഴ്ച നടത്തി. ബഹ്റൈനില്‍ ആരംഭിച്ച അന്താരാഷ്ട്ര പ്രതിരോധ സമ്മേളനത്തില്‍ പങ്കെടുക്കാൻ എത്തിയതായിരുന്നു റമദാന്‍ അഹ്മദ്. രാജാവ് ഹമദ് ബിന്‍ ഈസ ആല്‍ ഖലീഫയുടെ അഭിവാദ്യങ്ങള്‍ ഖദിറോവിന് നേര്‍ന്ന ശൈഖ് നാസിർ, ബഹ്റൈനും
ചെച്നിയയും തമ്മില്‍ നിലനില്‍ക്കുന്ന ബന്ധവും വിവിധ മേഖലകളിലെ സഹകരണവും മെച്ചപ്പെട്ട നിലയിലാണെന്ന് വിലയിരുത്തി. രാജാവ് ഹമദ് ബിന്‍ ഈസ ആല്‍ ഖലീഫയുടെ ഭരണനേതൃത്വത്തില്‍ ബഹ്റൈന്‍ കൈവരിച്ച നേട്ടങ്ങളും പുരോഗതിയും പ്രതീക്ഷയുണര്‍ത്തുന്നതാണന്ന് ഖദിറോവ് പറഞ്ഞു. ബഹ്റൈനുമായി വിവിധ മേഖലകളില്‍ സഹകരണം വ്യാപിപ്പിക്കുന്നതിന് ഒരുക്കമാണെന്നും അദ്ദേഹം പറഞ്ഞു. ശൈഖ് നാസിറിന് അദ്ദേഹം പ്രത്യേക ഫലകം സമ്മാനിക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.