അനുശോചന യോഗം എം.കെ. അബ്ദുൽ കരീം മാസ്റ്റർ ഉദ്ഘാടനം ചെയ്യുന്നു
മനാമ: ഞായറാഴ്ച നാട്ടിൽവെച്ചുണ്ടായ അപകടത്തെതുടർന്ന് മരണപ്പെട്ട മുഹറഖ് ഏരിയ കെ.എം.സി.സി പ്രവർത്തക സമിതി അംഗവും കെ.എം.സി.സി ബഹ്റൈൻ സംസ്ഥാന കൗൺസിലറുമായിരുന്ന അബ്ദുൽ ലത്തീഫ് നരിക്കുന്നുമ്മലിന്റെ മയ്യത്ത് നിസ്കാരവും അനുസ്മരണവും മുഹറഖ് ഏരിയ കെ.എം.സി.സി ഓഡിറ്റോറിയത്തിൽ നടന്നു.പ്രസിഡന്റ്‌ അബു യൂസുഫ് കെ.ടിയുടെ അധ്യക്ഷതയിൽ നടന്ന അനുശോചന യോഗം മുതിർന്ന നേതാവ് എം.കെ. അബ്ദുൽ കരീം മാസ്റ്റർ ഉദ്ഘാടനം ചെയ്തു.
സെക്രട്ടറി അബ്ദു റഷീദ് കീഴൽ സ്വാഗതം പറഞ്ഞു. സമസ്ത മുഹറഖ് ഏരിയ സെക്രട്ടറി നിസാമുദ്ദീൻ മാരായമംഗലം അനുസ്മരിച്ചു. മുഹറഖ് ഐനുൽ ഹുദ മദ്റസ മുഅല്ലിം റഫീഖ് ദാരിമി ഉസ്താദ് പ്രാർഥനക്കും ജനാസ നമസ്കാരത്തിനും നേതൃത്വം നൽകി. ട്രഷറർ മുസ്തഫാ കരുവാണ്ടി, ഐനുൽ ഹുദാ മദ്റസ കൺവീനർ അബ്ദുള്ള മുന, ജോയന്റ് സെക്രട്ടറിമാരായ നൗഷാദ് കരുനാഗപ്പള്ളി, ജുനൈദ് കരുവാരുക്കുണ്ട് എന്നിവർ സന്നിഹിതരായിരുന്നു. കെ.എം.സി.സി മുഹറഖ് ഏരിയ ഓർഗനൈസിങ് സെക്രട്ടറി ഷഫീഖ് വളാഞ്ചേരി നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.