മനാമ: രാജ്യത്തെ സാമ്പത്തിക മേഖലയുടെ വളര്‍ച്ചക്കായി സാധ്യമായ എല്ലാ പ്രവര്‍ത്തനങ്ങളും നടത്തുമെന്ന് കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫ വ്യക്തമാക്കി. സിറ്റി ബാങ്ക് ഗ്രൂപ് ചീഫ് എക്സിക്യൂട്ടിവ് മൈക്കിള്‍ കോര്ബറ്റിനെ ഗുദൈബിയ പാലസില്‍ സ്വീകരിച്ച് സംസാരിക്കുകയായിരുന്നു അദ്ദേഹം.
സാമ്പത്തിക മേഖലയില്‍ ബഹ്റൈന്‍ തൃപ്തികരമായ വളര്‍ച്ചയിലേക്ക് നീങ്ങിക്കൊണ്ടിരിക്കുന്നുവെന്നത് ആശാവഹമാണ്. ധനകാര്യ, ബാങ്കിങ് മേഖല നല്കിക്കൊണ്ടിരിക്കുന്ന പിന്തുണ ഇതില്‍ സുപ്രധാനമാണെന്നും അദ്ദേഹം പറഞ്ഞു. കൂടിക്കാഴ്ചയില്‍ ബഹ്റൈന്‍ സെന്‍ട്രല്‍ ബാങ്ക് മേധാവി റഷീദ് അല്‍ മിഅ്റാജ്, എണ്ണ കാര്യ മന്ത്രി ശൈഖ് മുഹമ്മദ് ബിന്‍ ഖലീഫ ആല്‍ ഖലീഫ എന്നിവരും സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.